Cümə Surəsi 11. Ayə - Bütün Tərcümələr
Onlar bir alış-veriş, yaxud əyləncə gördükləri zaman ona tərəf qaçar və səni ayaq üstə qoyub gedərlər. De: “Allah dərgahındakılar əyləncədən və alış-verişdən daha yaxşıdır. Allah ruzi verənlərin ən yaxşısıdır!” (Təfsirlərdə qeyd edilən bir rəvayətə görə, Mədinədə qıtlıq yaşanan bir dövrdə Həzrət Peyğəmbər cümə xütbəsi verərkən oranın yaxınlığından ərzaq yüklü bir karvan keçirdi. Karvanın gəldiyini xəbər vermək məqsədilə çalınan dəf səsi eşidiləndə hamı karvana tərəf qaçmağa başladı. Yalnız on iki nəfər müsəlman xütbəyə qulaq asmağa davam etdi. Yuxarıdakı ayə bu hadisəyə görə nazil olmuşdur.)
Əlixan Musayev:
Onlar ticarət və ya əyləncə gördükləri zaman dağılışıb ona tərəf qaçdılar və səni (minbərdə) ayaq üstə olduğun halda tərk etdilər. De: “Allah yanında qazanacağınız savab əyləncədən də, ticarətdən də xeyirlidir. Allah ən yaxşı ruzi verəndir”.
Bünyadov-Məmmədəliyev:
Onlar (möminlər) bir alış-veriş, yaxud bir əyləncə gördükləri zaman səni ayaq üstə (minbərdə xütbə oxuduğun halda) qoyub ona tərəf cumdular. (Ya Peyğəmbər!) De: “Allah dərgahında olan savab əyləncədən də, ticarətdən də xeyirlidir. Allah ruzi verənlərin ən yaxşısıdır!” (Bir dəfə Muhəmməd əleyhissəlam minbərdə cümə namazı xütbəsi oxuduğu zaman Şamdan ərzaqla yüklənmiş bir karvanın gəldiyini xəbər verən təbil səsləri eşidilmişdi. O vaxt Mədinə əhalisi qıtlıqdan möhkəm əziyyət çəkirdi. Bunu eşidən camaat Peyğəmbəri tərk edərək karvanın qabağına qaçmışdı. Məsciddə cəmi on iki adam qalmışdı. O zaman bu ayə nazil olub cümə xütbəsi və namazı bitməmiş məsciddən çıxıb getməyin məqbul hərəkət olmadığına işarə edilmişdir).
Elmir Quliyev
:
Когда же они увидели торговлю или забаву, они разошлись, бросившись к ней, и оставили тебя стоять во время пятничной проповеди. Скажи: "То, что у Аллаха, лучше забавы и торговли, и Аллах — Наилучший из дарующих удел".
Ələddin Sultanov:
Onlar bir alış-veriş, yaxud əyləncə gördükləri zaman ona tərəf qaçar və səni ayaq üstə qoyub gedərlər. De: “Allah dərgahındakılar əyləncədən və alış-verişdən daha yaxşıdır. Allah ruzi verənlərin ən yaxşısıdır!” (Təfsirlərdə qeyd edilən bir rəvayətə görə, Mədinədə qıtlıq yaşanan bir dövrdə Həzrət Peyğəmbər cümə xütbəsi verərkən oranın yaxınlığından ərzaq yüklü bir karvan keçirdi. Karvanın gəldiyini xəbər vermək məqsədilə çalınan dəf səsi eşidiləndə hamı karvana tərəf qaçmağa başladı. Yalnız on iki nəfər müsəlman xütbəyə qulaq asmağa davam etdi. Yuxarıdakı ayə bu hadisəyə görə nazil olmuşdur.)
Kerbelayi Malik ağa:
Ticarət və ya əyləncəni gördükləri zaman ona yönəlib dağıldılar və səni ayaq üstə buraxıb getdilər. De ki: ‘Allahın dərgahında olan şeylər əyləncə və ticarətdən daha xeyirlidir və Allah ruzi verənlərin ən xeyirlisidir.’
Ələsgər Musayev:
Onda ki, gördülər ticarət, ya əyləncə,
tələsirlər tərəfinə onun və tərk edirlər səni ayaq üstə. De: «Nə
ki, Allah yanındadır, xeyirlidir əyləncədən və ticarətdən!»
Allah ruzi verənlərin xeyirlisidir!
A.Mehdiyev və D.Cəfərli:
(Lakin cümə namazına əhəmiyyət vermirlər) bir ticarət, ya əyləncə gördükdə, səni ayaq üstə (xütbə, ya namaz halında) buraxıb onun tərəfinə axışarlar. De: «Allahın dərgahında olan şey əyləncədən (malların şəhərə daxil olması zamanı çalınan musiqi və təbil səsindən) və ticarətdən daha xeyirlidir. Allah ruzi verənlərin ən yaxşısıdır!»
Kövsər Tağıyev:
(Belə olan halda) onlar bir ticarət və ya oyun-əyləncə gördükləri zaman dərhal dağılıb ona tələsdilər və səni ayaq üstə buraxdılar. De ki: “Allahın yanında olan əyləncə və ticarətdən daha xeyirlidir. Allah ruzi verənlərin ən xeyirlisidir”.
M.Qənioğlu və T.Bilaloğlu:
Onlar isə bir ticarət və ya əyləncə görüncə səni (xütbə oxuyarkən) ayaq üstə qoyub oraya tələsdilər. De: "Allahın dərgahındakı (mükafat) əyləncədən də, ticarətdən də yaxşıdır. Allah ruzi verənlərin ən yaxşısıdır!"
Sabirə Dünyamalıyeva:
Və onlar, bir ticarət və əyləncə gördükləri zaman ona getdilər və səni ayaq üstə qoydular. De ki: "Allahın yanında olan şeylər, əyləncədən və ticarətdən xeyirlidir. Və Allah, ruzi verənlərin ən yaxşısıdır."