Bəqərə Surəsi 116. Ayə - Bütün Tərcümələr
Onlar: “Allah Özünə övlad götürmüşdür”, - dedilər. O, pakdır (bu kimi sifətlərdən uzaqdır). Göylərdə və yerdə nə varsa, hamısı Onundur. Hər bir şey Ona itaət edir.
Əlixan Musayev:
Onlar dedilər: “Allah (Özünə) övlad götürmüşdür!” Hal-buki O, pakdır, müqəddəsdir! Həqiqətən, göylərdə və yerdə nə varsa, Ona məxsusdur. Hər şey Ona baş əyir.
Bünyadov-Məmmədəliyev:
(Yəhudilər, xaçpərəstlər və müşriklər) dedilər: “Allah (Özü üçün) övlad götürmüşdür”. Allah pak və müqəddəsdir (bu sözlərin Ona heç bir aidiyyəti yoxdur. O, bütün eyib və nöqsanlardan xalidir). Bəli, göylərdə və yerdə nə varsa, hamısı Ona məxsusdur, hamısı Onun itaətindədir!
Elmir Quliyev
:
Они сказали: "Аллах взял Себе сына". Пречист Он! Напротив, Ему принадлежит то, что на небесах и земле. Ему одному все покоряются.
Ələddin Sultanov:
Onlar: “Allah Özünə övlad götürmüşdür”, - dedilər. O, pakdır (bu kimi sifətlərdən uzaqdır). Göylərdə və yerdə nə varsa, hamısı Onundur. Hər bir şey Ona itaət edir.
Kerbelayi Malik ağa:
'Allah övlad götürmüşdür.' dedilər. O, bundan uzaqdır (Sübhandır). Xeyr, göylərdə və yerdə nə varsa hamısı Onundur. Hamısı da Ona boyun əymişdir (əmrinə tabedir).
Ələsgər Musayev:
Dedilər: «Götürdü Allah övlad». Sübhandır O Bəli!
Onun üçündür nə ki, səmalarda və ərzdə var Külli Onun üçün
itaətdədir!
A.Mehdiyev və D.Cəfərli:
Və (kitab əhli) dedi: «Allah (Özü üçün) övlad götürmüşdür!» O (bütün bunlardan) pakdır! Əksinə, göylərdə və yerdə olanların hamısı Onun həqiqi mülküdür (çünki onların yaradılışı, qorunması, idarə olunması və yox edilməsi Onun əlindədir). Hamı Onun qarşısında təslimdir. (Belə olan halda, mülkiyyət necə övlad ola bilər və mülkiyyət sahibinin ona nə ehtiyacı var?)
Kövsər Tağıyev:
“Allah övlad götürdü”, – dedilər.3 O, bundan uzaqdır. Xeyr! Göylərdəki və yerdəki hər şey Allahındır. Hamısı ona boyun əymişdir.
M.Qənioğlu və T.Bilaloğlu:
Onlar: "Allah özünə bir övlad götürmüşdür" söylədilər. Onun şəninə təriflər olsun ! Axı göylərdə və yerdə onların hamısı Ona məxsusdur, hər şey Ona baş əyir !
Sabirə Dünyamalıyeva:
Bir də onlar, "Allah Özünə övlad götürdü" dedilər. -O, onların yaraşdırdıqları bütün nöqsanlıqlardan pakdır.- Əksinə, göylərdə və yer üzündə nə varsa, yalnız Onundur. Hamısı Onun qarşısında daim itaətkar dayanmışdır.