Taha Surəsi 131. Ayə - Bütün Tərcümələr
Sınamaq üçün onlardan bəzi zümrələri faydalandırdığımız dünya həyatının zinətinə əsla göz dikmə! Rəbbinin ruzisi həm daha xeyirli, həm də daha əbədidir.
Əlixan Musayev:
(Kafirlərdən) bəzisini sınamaq üçün onlara dünya həyatının bərbəzəyi kimi verdiyimiz şeylərə gözünü dikmə. Rəbbinin ruzisi daha xeyirli və daha davamlıdır.
Bünyadov-Məmmədəliyev:
(Kafirlərin) bəzi zümrələrini sınamaq üçün onlara dünya həyatının zinəti olaraq verdiyimiz mal-dövlətə rəğbət gözü ilə baxma! (Gözünü dikmə!) Rəbbinin ruzisi (bərəkəti) həm daha xeyirli, həm də daha baqidir (sürəklidir, əbədidir)!
Elmir Quliyev
:
Не заглядывайся на то, чем Мы наделили некоторых из них (неверующих), чтобы подвергнуть их этим искушению. Это — блеск земной жизни, а удел твоего Господа лучше и долговечнее.
Ələddin Sultanov:
Sınamaq üçün onlardan bəzi zümrələri faydalandırdığımız dünya həyatının zinətinə əsla göz dikmə! Rəbbinin ruzisi həm daha xeyirli, həm də daha əbədidir.
Kerbelayi Malik ağa:
Onlardan bəzilərinə onları imtahan etməyimiz üçün mətalandırdığımız (faydalandırdığımız) dünya həyatının zinətlərinə gözlərini tikmə. Rəbbinin ruzisi daha xeyirlidir və baqidir (davamlıdır).
Ələsgər Musayev:
Heç vaxt rəğbət gözü ilə baxma fani
mətaha ki, onlara vermişik cütlərlə onlardan – zinətləridir
dünya həyatının – sınamaq üçün onunla onları. Ruzisi Rəbbinin
xeyirlidir və baqidir.
A.Mehdiyev və D.Cəfərli:
Sınamaq üçün onların bəzi təbəqələrini bəhrələndirdiyimiz şeyə (var-dövlət, övlad və məqama) gözünü dikmə ki, onlar dünya həyatının çiçək və zinətləridir. Və Rəbbinin ruzisi (kitab və din) daha yaxşı və əbədidir.
Kövsər Tağıyev:
Onları sınamaq üçün onlardan bəzilərinə dünya həyatının zinəti olaraq verdiyimiz şeylərə gözünü dikmə. Rəbbinin ruzisi daha xeyirli və daha qalıcıdır.
M.Qənioğlu və T.Bilaloğlu:
İnsanların bəzi zümrələrini sınamaq üçün onlara verdiyimiz bu dünya həyatının çiçəyində [mal-dövlətində] əsla gözün olmasın. Sənin Rəbbinin ruzisi daha xeyirli və daha uzun sürəndir.
Sabirə Dünyamalıyeva:
Və sınama vasitəsi olaraq, bəsit dünya həyatının zinəti olaraq, onlardan bəzi cütlüklərə verdiyimiz mal, mülk, övlad və səltənətə əsla gözlərini dikmə/rəğbətlə baxma. Və Rəbbinin ruzisi daha yaxşı və daha baqidir.