Yasin Surəsi 15. Ayə - Bütün Tərcümələr
(Şəhərin əhalisi:) “Siz də bizim kimi insanlarsınız. Rəhman olan Allah heç bir şey nazil etməmişdir. Siz yalan danışırsınız!” - dedilər.
Əlixan Musayev:
Onlar dedilər: “Siz də bizim kimi sadəcə bir insansınız. Mərhəmətli (Allah) (sizə) heç bir şey nazil etməmişdir. Siz ancaq yalan danışırsınız”.
Bünyadov-Məmmədəliyev:
(Antakiyalılar:) “Siz də bizim kimi ancaq adi bir insansınız. (Heç bir şeydə bizdən üstün deyilsiniz. Əgər peyğəmbər olsaydınız, mələk qiyafəsində gələrdiniz). Rəhman (sizə) heç bir şey (kitab, möcüzə) nazil etməmişdir. Siz sadəcə olaraq yalan danışırsınız!” – dedilər.
Elmir Quliyev
:
Они сказали: "Вы — такие же люди, как и мы. Милостивый ничего не ниспосылал, а вы всего лишь лжете".
Ələddin Sultanov:
(Şəhərin əhalisi:) “Siz də bizim kimi insanlarsınız. Rəhman olan Allah heç bir şey nazil etməmişdir. Siz yalan danışırsınız!” - dedilər.
Kerbelayi Malik ağa:
Dedilər ki: ‘Siz bizim kimi bəşərdən başqa bir şey deyilsiniz. Rəhman bir şey endirmədi. Siz yalnız yalan danışırsınız.’
Ələsgər Musayev:
Dedilər: «Siz, ancaq bəşərsiniz, mislimiz bizim. Nazil etmədi Rəhman şeydən. Siz ancaq yalan deyirsiz!»
A.Mehdiyev və D.Cəfərli:
(Şəhər camaatı) dedi: «Siz də bizim kimi ancaq adi bir insansınız (peyğəmbər isə mələklərdən olmalıdır). Rəhman heç bir şey nazil etməmişdir, siz yalnız yalan danışırsınız».
Kövsər Tağıyev:
Biz onlara iki elçi göndərmişdik, onları yalançı saymışdılar. Biz də onları üçüncü bir elçi ilə dəstəkləmişdik. Onlar: “Həqiqətən, biz sizə göndərilən elçilərik”, – dedilər.
M.Qənioğlu və T.Bilaloğlu:
Onlar dedilər: "Siz də bizim kimi ancaq insansınız və Mərhəmətli heç bir şey nazil etməmişdir. Siz ancaq yalan deyirsiniz!"
Sabirə Dünyamalıyeva:
Onlar isə: "Siz ancaq bizim kimi bir bəşərsiniz. Rəhman [yaratdığı bütün canlılara dünyada çox mərhəmət edən Allah] heç bir şey də nazil etməmişdir. Siz sadəcə olaraq yalan danışırsınız." dedilər.