Həcc Surəsi 23. Ayə - Bütün Tərcümələr
Şübhəsiz ki, Allah iman gətirib yaxşı işlər görənləri altından çaylar axan cənnətlərə daxil edəcəkdir. Onlar orada qızıl bilərziklər və incilərlə bəzənəcəklər. Onların oradakı libasları isə ipəkdəndir.
Əlixan Musayev:
Həqiqətən də, Allah iman gətirib yaxşı işlər görənləri (ağacları) altından çaylar axan Cənnət bağlarına daxil edəcəkdir. Onlar orada qızıl bilərziklərlə və incilərlə bəzədiləcək, libasları da ipəkdən olacaqdır.
Bünyadov-Məmmədəliyev:
Həqiqətən, Allah iman gətirib yaxşı işlər görənləri (ağacları) altından çaylar axan cənnətlərə daxil edəcəkdir. Onlar orada altun və incilərlə bəzənəcəklər (qızıldan və mirvaridən bilərziklər taxacaqlar), orada libasları da ipəkdən olacaqdır!
Elmir Quliyev
:
А тех, которые уверовали и совершали праведные деяния, Аллах введет в Райские сады, в которых текут реки. Там они будут украшены золотыми браслетами и жемчугом, а их одеяния будут из шелка.
Ələddin Sultanov:
Şübhəsiz ki, Allah iman gətirib yaxşı işlər görənləri altından çaylar axan cənnətlərə daxil edəcəkdir. Onlar orada qızıl bilərziklər və incilərlə bəzənəcəklər. Onların oradakı libasları isə ipəkdəndir.
Kerbelayi Malik ağa:
Şübhəsiz ki, Allah amənu olanları və saleh əməl (nəfsini islahedici əməl) işləyənləri altından çaylar axan cənnətlərə daxil edər. Onlar orada qızıl bilərziklərlə və incilərlə bəzənərlər. Orada onların paltarları ipəkdəndir.
Ələsgər Musayev:
Həqiqətən, Allah daxil edər o kəsləri ki, inanırlar
və əməli salehdirlər, cənnətlərə – cari olur altından onun
nəhrlər. Bəzənəcəklər orada qızıl və mirvaridən olan
bilərziklərlə və libasları orada ipəkdən olacaqdır!
A.Mehdiyev və D.Cəfərli:
Şübhəsiz, Allah iman gətirib yaxşı işlər görmüş kəsləri (ev və ağaclarının) altından çaylar axan Cənnətlərə daxil edəcəkdir. Onlar orada qızıl qolbağlar və mirvari (boyunbağılarla) bəzədilərlər və onların oradakı (adi) libasları naxışlı ipəkdəndir.
Kövsər Tağıyev:
Şübhəsiz, Allah iman edib saleh işlər görənləri içlərindən çaylar axan cənnətlərə daxil edəcək. Onlar orada qızıl bilərziklər və incilərlə bəzənəcəklər. Oradakı libasları isə ipəkdir.
M.Qənioğlu və T.Bilaloğlu:
Həqiqətən, Allah iman gətirib əməlisaleh olanları dibindən çaylar axan cənnət bağlarına daxil edəcəkdir. Onlar orada qızıl qolbaqlarla və mirvarilərlə bəzədiləcəklər. Orada paltarları ipəkdən olacaqdır.
Sabirə Dünyamalıyeva:
Şübhəsiz, Allah, iman edən və yaxşılaşdırmaq qayəsi ilə işlər görənləri, altından çaylar axan cənnətlərə daxil edəcək. Onlar orada qızıl qolbağlar və incilərlə bəzənəcəklər. Orada libasları da ipəkdən olacaqdır.