Hədid Surəsi 3. Ayə - Bütün Tərcümələr
Əlixan Musayev:
Əvvəl də, Axır da, Zahir də, Batin də Odur. O, hər şeyi bilir.
Bünyadov-Məmmədəliyev:
Əvvəl də, axır da, zahir də, batin də Odur. O, hər şeyi biləndir! (Allah Öz əzəli elmi və qüdrəti ilə hər şeyi görüb bildiyi halda, Özü görünməz, dərkolunmazdır. Allahın varlığı aşkar, mahiyyəti isə tamamilə gizlidir).
Elmir Quliyev
:
Он — Первый и Последний, Высочайший и Ближайший. Он знает о всякой вещи.
Ələddin Sultanov:
Əvvəl də, axır da, zahir də, batin də Odur. O, hər şeyi biləndir.
Kerbelayi Malik ağa:
O, əvvəldir və axırdır, zahirdir və batindir. O, hər şeyi ən yaxşı biləndir.
Ələsgər Musayev:
O Əvvəldir və Axırdır və
Zahirdir və Batindir. O küllisi ilə şeyin Alimdir!
A.Mehdiyev və D.Cəfərli:
O, əvvəl və axır (hamıdan əvvəl olan və hamıdan sonra qalan, səbəblər silsiləsinin əvvəli, nəticələrin döndüyü axır və son), (əlamətləri və sifətlərinin təzahürü baxımından) aşkar və (zatının həqiqəti baxımından) gizlindir. O, hər şeyi biləndir.
Kövsər Tağıyev:
O, ilk və sondur. Zahir və Batindir. O, hər şeyi haqqı ilə biləndir.
M.Qənioğlu və T.Bilaloğlu:
O, ilkindir, axırdır, aşkardır, gizlidir. O, hər şeyi biləndir.
Sabirə Dünyamalıyeva:
O, İlkdir, Sondur, Zahirdədir, Batindədir və O, hər şeyi ən yaxşı biləndir.