Rəd Surəsi 39. Ayə - Bütün Tərcümələr
Allah dilədiyini silər, (dilədiyini də) sabit saxlayar. Kitabın əsli Onun dərgahındadır. (Allah-Təala peyğəmbərlər vasitəsilə göndərdiyi dini hökmlərdən istədiyini ləğv edib onun yerinə başqa hökmlər gətirər. Dilədiyi hökmləri də dəyişdirmədən sabit saxlayar. Bundan əlavə, Allah dünyada istədiyini yox edər, istədiyini isə olduğu kimi saxlayar.)
Əlixan Musayev:
Allah (bu yazıdan) istədiyini silər, (istədiyini də) sabit saxlayar. Kitabın anası da Onun yanındadır.
Bünyadov-Məmmədəliyev:
Allah (həmin kitabdan) istədiyi şeyi məhv edər, istədiyini də sabit saxlayar (bəndələrinə aid hər hansı bir hökmü ləğv edib başqası ilə dəyişər və ya onu olduğu kimi saxlayar). Kitabın əsli (lövhi-məhfuz) Onun yanındadır.
Elmir Quliyev
:
Аллах стирает и утверждает то, что пожелает, и у Него — Мать Писания.
Ələddin Sultanov:
Allah dilədiyini silər, (dilədiyini də) sabit saxlayar. Kitabın əsli Onun dərgahındadır. (Allah-Təala peyğəmbərlər vasitəsilə göndərdiyi dini hökmlərdən istədiyini ləğv edib onun yerinə başqa hökmlər gətirər. Dilədiyi hökmləri də dəyişdirmədən sabit saxlayar. Bundan əlavə, Allah dünyada istədiyini yox edər, istədiyini isə olduğu kimi saxlayar.)
Kerbelayi Malik ağa:
Allah dilədiyi şeyi silər və (dilədiyi şeyi) sabit saxlayar və Ümmülkitap (ana kitab) Onun yanındadır.
Ələsgər Musayev:
Allah pozar hansını istəsə və sabit saxlar və yazılar anası Onun yanındadır.
A.Mehdiyev və D.Cəfərli:
Allah («məhv və isbat» lövhəsində yazılmış, olacaq hadisələrdən) istədiyini məhv və (bəzi hadisələri orada) dərc edir və Ümmül-kitab (Lövhi-Məhfuz və şeylərin sabit cəhətlərinin yazıldığı yer) Onun yanındadır.
Kövsər Tağıyev:
Allah dilədiyini silər, dilədiyini də sabit saxlayar. Ana kitab (Lövhi-məhfuz) Onun yanındadır.
M.Qənioğlu və T.Bilaloğlu:
Allah istədiyi (hökmünü) pozar və istədiyini təsbit edər. Kitabın əsli ancaq Onun dərgahındadır.
Sabirə Dünyamalıyeva:
Allah, istədiyini məhv edər, istədiyini də yerində saxlayar. Kitabın anası; elmin mənbəyi də yalnız Onun yanındadır.