Rəd Surəsi 40. Ayə - Bütün Tərcümələr
Onlara vəd etdiyimizin (əzabın) bir qismini sənə göstərsək də, yaxud (ondan əvvəl) səni öldürsək də bil ki, sənin vəzifən ancaq (Allahın dinini) təbliğ etməkdir. Haqq-hesab çəkmək isə Bizə aiddir.
Əlixan Musayev:
Biz onlara vəd etdiyimizin bir qismini sənə göstərsək və ya (ondan öncə) səni öldürsək (bil ki,) sənin öhdənə düşən ancaq təbliğ etməkdir. Haqq-hesab çəkmək isə Bizə aiddir.
Bünyadov-Məmmədəliyev:
Onlara vəd etdiyimizin (əzabın) bir qismini sənə göstərsək də və ya (ondan qabaq) səni öldürsək də (Öz dərgahımıza götürsək də, fərq etməz). Sənin vəzifən ancaq (dini) təbliğ etməkdir. Haqq-hesab çəkmək isə Bizə aiddir!
Elmir Quliyev
:
Покажем Мы тебе часть того, что Мы обещаем им, или умертвим тебя, на тебя возложена только передача откровения, а Нам надлежит предъявлять счет.
Ələddin Sultanov:
Onlara vəd etdiyimizin (əzabın) bir qismini sənə göstərsək də, yaxud (ondan əvvəl) səni öldürsək də bil ki, sənin vəzifən ancaq (Allahın dinini) təbliğ etməkdir. Haqq-hesab çəkmək isə Bizə aiddir.
Kerbelayi Malik ağa:
Əgər onlara vəd etdiyimizin bir qismini sənə göstərsək və ya səni vəfat etdirsək də artıq sənin üzərinə düşən yalnız təbliğdir. Hesab çəkmək Bizim üzərimizdədir.
Ələsgər Musayev:
Onlara verdiyimiz vədlərin bəzisini sənə göstərərik, ya sənə vəfat bağışlarıq. Həqiqətən, sənin vəzifən təbliğ etmək və Bizim vəzifəmiz hesab çəkməkdir.
A.Mehdiyev və D.Cəfərli:
Əgər onlara vəd etdiklərimizin (dünyəvi cəzaların) bir qismini sənə göstərsək, yaxud (ondan qabaq) sənin canını alsaq, sənin vəzifən (onların əzabını görmək deyil) yalnız tapşırığı çatdırmaqdır və (imana məcbur etmək və hər təklifi qəbul etmək deyil) hesab çəkmək (və cəzalandırmaq) Bizim öhdəmizədir.
Kövsər Tağıyev:
Onlara vəd etdiyimiz əzabın bir qismini sənə göstərsək də, (göstərmədən) sənin ruhunu alsaq da, sənin vəzifən yalnız təbliğ etməkdir. Haqq-hesab çəkmək isə bizə aiddir.
M.Qənioğlu və T.Bilaloğlu:
Biz onlara vəd etdiyimiz (əzabın) bir hissəsini onlara necə verdiyimizi sənə göstərsək də, (göstərməzdən əvvəl) sənin əcəlini çatdırsaq da (bil ki,) sənin üzərinə ancaq bəyan etmək düşür. Haqq-hesab çəkmək isə Bizim Öz üzərimizə düşür.
Sabirə Dünyamalıyeva:
Və onlara vəd etdiyimizin bir hissəsini sənə göstərsək, yaxud keçmişdə etdiklərini və etməli olduğun halda etmədiklərini bir-bir sənə xatırlatsaq, şübhəsiz, yenə də sənin vəzifən yalnız təbliğ etməkdir. Haqq-hesab çəkmək isə Bizə aiddir.[#384]