Rum Surəsi 46. Ayə - Bütün Tərcümələr
Sizə Öz mərhəmətindən daddırsın, əmri ilə gəmilər üzsün, lütfündən (nəsibinizi) axtarasınız və şükür edəsiniz deyə küləkləri müjdəçi göndərməsi də Onun (varlığının) dəlillərindəndir.
Əlixan Musayev:
Sizə Öz mərhəmətindən daddırsın, əmri ilə gəmilər üzsün, Onun lütfünü arayasınız və (sizə verdiyi nemətlərə) şükür edəsiniz deyə küləkləri müjdəçi göndərməsi də Onun dəlillərindəndir.
Bünyadov-Məmmədəliyev:
Həqiqətən, küləkləri müjdəçi olaraq göndərməsi, sizə Öz mərhəmətindən daddırması (yağış verməsi), əmri ilə gəmilərin üzməsi, nemətindən ruzi axtarmanız Onun qüdrət əlamətlərindəndir. Bəlkə, (Allahın nemətlərinə) şükür edəsiniz!
Elmir Quliyev
:
Среди Его знамений — то, что Он посылает ветры добрыми вестниками, чтобы дать вам вкусить от Его милости, чтобы корабли плыли по Его воле и чтобы вы искали Его милость, — быть может, вы будете благодарны.
Ələddin Sultanov:
Sizə Öz mərhəmətindən daddırsın, əmri ilə gəmilər üzsün, lütfündən (nəsibinizi) axtarasınız və şükür edəsiniz deyə küləkləri müjdəçi göndərməsi də Onun (varlığının) dəlillərindəndir.
Kerbelayi Malik ağa:
Onun ayələrindəndir ki, küləkləri müjdələyici olaraq göndərər. Rəhmətindən sizə daddırar. Əmri ilə gəmiləri üzdürər. Onun fəzlindən istəyərsiniz və beləcə siz şükür edərsiniz.
Ələsgər Musayev:
Onun ayətindəndir ki, göndərir küləkləri bəşarət
verən və daddırması üçün sizə Öz rəhmətindən və üzməsi üçün
gəmilərin Onun əmri ilə və axtarmağınız üçün Onun fəzlindən,
ola ki, şükr edəsiniz!
A.Mehdiyev və D.Cəfərli:
Öz rəhmətindən sizə daddırması (küləkləri əsdirməsi), gəmilərin onun mütləq iradəsi altında hərəkət etməsi üçün küləkləri müjdəverici olaraq (yağışın yağma müjdəsini versin deyə) göndərməsi, Onun fəzlindən (külək və yağış vasitəsi ilə yaranan ruzini) axtarmanız Onun (tovhid, qüdrət və hikmət) nişanələrindəndir. Bəlkə şükr edəsiniz!
Kövsər Tağıyev:
Küləkəri yağmurun müjdəçisi olaraq göndərməsi Allahın (varlığının və qüdrətinin) dəlillərindəndir. O, bunu sizə öz rəhmətindən daddırmaq, əmri ilə gəmilərin üzməsi, Onun lütfündən nəsibinizi aramanız və şükür etməniz üçün edər.
M.Qənioğlu və T.Bilaloğlu:
Öz mərhəmətindən sizə daddırması üçün, gəmilərin Onun əmri ilə üzməsi üçün, lütfündən (ruzilər) axtarıb tapmanız üçün və bunlara görə onlara şükr edəsiniz deyə küləkləri müjdəçi kimi göndərməsi Onun dəlillərindəndir.
Sabirə Dünyamalıyeva:
Sizə Öz rəhmətindən daddırması, əmri ilə gəmilərin üzüb getməsi və sahib olduğunuz nemətlərin əvəzini ödəyəsiniz deyə nemətlərindən ruzi axtarmağınız üçün küləkləri müjdəçi olaraq göndərməsi də Onun əlamətlərindən/işarətlərindəndir.