Furqan Surəsi 60. Ayə - Bütün Tərcümələr
Onlara: “Rəhmana səcdə edin!” - deyildiyi zaman onlar: “Rəhman nədir? Bizə əmr etdiyin şeyə səcdəmi edəcəyik?” – deyərlər. Bu, onların nifrətini daha da artırar.
Əlixan Musayev:
Onlara: “Ər-Rəhmana səcdə edin!”– deyildikdə: “Ər-Rəhman nədir? Məgər bizə əmr etdiyin şeyə səcdə etməliyik?”– deyərlər. Bu da onların nifrətini artırar.
Bünyadov-Məmmədəliyev:
Onlara (müşriklərə): “Rəhmana (rəhmli olan Allaha) səcdə edin!” – deyildiyi zaman, onlar: “Rəhman nədir? Bizə əmr etdiyin şeyə səcdəmi edəcəyik?” – deyə cavab verərlər. Bu (səcdə əmri) onların (imana olan) nifrətini daha da artırar.
Elmir Quliyev
:
Когда им говорят: "Падайте ниц перед Милостивым!" — они говорят: "Что такое Милостивый? Неужели мы будем падать ниц перед тем, кому ты нам приказываешь?" Это приумножает их отвращение.
Ələddin Sultanov:
Onlara: “Rəhmana səcdə edin!” - deyildiyi zaman onlar: “Rəhman nədir? Bizə əmr etdiyin şeyə səcdəmi edəcəyik?” – deyərlər. Bu, onların nifrətini daha da artırar.
Kerbelayi Malik ağa:
Onlara ‘Rəhmana səcdə edin!’ deyildiyi zaman: ‘Rəhman nədir? Sənin bizə əmr etdiyin şeyəmi səcdə edəcəyik?’ dedilər. (Bu əmr yalnız) onların nifrətlərini artırdı.
Ələsgər Musayev:
Və onda ki, deyilər onlara: «Səcdə edin Rəhman üçün!»,- deyərlər: «Nədir Rəhman? Ə, sənin bizə əmr etdiyinəmi səcdə edək?» Və bu onların nifrətini artırar.
A.Mehdiyev və D.Cəfərli:
Onlara «Rəhman (olan Allah)a səcdə edin» deyilən zaman (məsxərə edərək) deyərlər: «Rəhman nədir? (Tanımadan) sənin əmr etdiyinə səcdə edək?!» Və (sənin sözün) onların nifrət və uzaqlığını artırır.
Kövsər Tağıyev:
Onlara: “Rəhmana səcdə edin”, – deyildikdə, “Rəhman nədir? Sənin bizə əmr etdiyinə səcdə edək?” – deyərlər və bu, onların nifrətini artırar.
M.Qənioğlu və T.Bilaloğlu:
Onlara: "Mərhəmətliyə [Allaha] səcdə edin." - dedikdə, onlar "Mərhəmətli nə olan şeydir? Məgər biz sənin əmr etdiyinə səcdə etməliyik?" - deyərlər. Bu, onları (haqdan) daha da uzaqlaşdırdı.
Sabirə Dünyamalıyeva:
Və onlara deyiləndə ki: "Rəhmana [yaratdığı bütün canlılara dünyada çox mərhəmət edən Allaha] boyun əyib tabe olun!" dedilər ki: "Yaratdığı bütün canlılara dünyada çox mərhəmət edən Allah nə deməkdir? Sənin bizə əmr etdiyin şey üçün boyun əyib tabeçilik göstərməliyik?" Və boyun əyib tabeçilik göstərmək haqqında bu əmr, onların nifrətini artırdı.