Tövbə Surəsi 67. Ayə - Bütün Tərcümələr
Münafiq kişilər və münafiq qadınlar bir-birlərinə bənzəyirlər. Onlar pis işlər görməyi əmr edər, yaxşı işləri qadağan edər və xəsislik edərlər. Onlar Allahı unutdular, Allah da onları unutdu. Həqiqətən, münafiqlər əsil fasiqlərdir.
Əlixan Musayev:
Münafiq kişilər və münafiq qadınlar bir-birinin tayıdırlar. Onlar (insanları) pis işlər görməyə vadar edir, yaxşı əməllərə qadağa qoyur və xəsislik göstərirlər. Onlar Allahı unutdular. Allah da onları unutdu. Həqiqətən, münafiqlər günahkardırlar.
Bünyadov-Məmmədəliyev:
Münafiq kişilərlə münafiq qadınlar (ikiüzlülükdə) bir-birinin eynidirlər. Onlar (insanlara) pis işlər görməyi əmr edər, yaxşı işləri qadağan edərlər. Hələ əlləri də bərkdir (xəsisdirlər). Onlar Allahı unutdular, Allah da onları unutdu. Həqiqətən, münafiqlər (Allahın itaətindən çıxmış) fasiqlərdir!
Elmir Quliyev
:
Лицемеры и лицемерки подобны друг другу. Они велят совершать предосудительное, запрещают одобряемое и сжимают свои руки (скупятся делать пожертвования). Они предали забвению Аллаха, и Он предал их забвению. Воистину, лицемеры являются нечестивцами!
Ələddin Sultanov:
Münafiq kişilər və münafiq qadınlar bir-birlərinə bənzəyirlər. Onlar pis işlər görməyi əmr edər, yaxşı işləri qadağan edər və xəsislik edərlər. Onlar Allahı unutdular, Allah da onları unutdu. Həqiqətən, münafiqlər əsil fasiqlərdir.
Kerbelayi Malik ağa:
Münafiq kişilər və münafiq qadınlar bir-birlərindəndir. Münkəri (pis əməlləri) əmr edərlər və marufu (yaxşılığı) qadağan edərlər və xəsislik edərlər. (Onlar) Allahı unutdular beləcə (O da) onları unutdu. Şübhəsiz ki, münafiqlər fasiqlərdir.
Ələsgər Musayev:
Münafiqlər və münafiqələr - bəzisi
onların bəzisindəndir; əmr edirlər bəyənilməyənlə və nəhy
edirlər mərifətdən və əllərini bərk sıxırlar. Onlar Allahı
unudublar və Allah da onları unutdu. Həqiqətən, münafiqlər -
onlar fasiqlərdir!
A.Mehdiyev və D.Cəfərli:
Münafiq kişilərlə münafiq qadınların bəziləri bəzilərindəndirlər (etiqad və əməldə bir-birləri ilə bağlıdırlar). Pis işlər görməyi əmr edərlər, yaxşı işləri qadağan edərlər və öz əllərini (mallarını haqq yolunda xəcləməyə) bağlayarlar. Onlar Allahı unutdular, Allah da onları unutdu (bütün dəlil-sübutları göndərdikdən sonra onları öz başlarına buraxdı). Şübhəsiz münafiqlər həmin itaətsizlərdir.
Kövsər Tağıyev:
Münafiq kişilər və münafiq qadınlar bir-birilərindəndir (bir-birilərinin bənzəridir). Pisliyi əmr edib yaxşılığı qadağan edərlər, əllərini də sıx saxlayarlar. Onlar Allahı unutdular, Allah da onları unutdu. Şübhəsiz, münafiqlər məhz fasiqlərdir.
M.Qənioğlu və T.Bilaloğlu:
Münafiq kişi və qadınlar bir-birilərindəndir. Onlar xoşagəlməz işlərə təhrik edir, xeyir işlərdən yayındırır və əllərindəki (mal- dövləti) bərk-bərk saxlayırlar. Onlar Allahı unutmuşlar, O da onları unutmuşdur. Həqiqətən münafiqlər azğın olanlardır.
Sabirə Dünyamalıyeva:
Münafiq kişilər və münafiq qadınlar bir-birindəndir; pisliyi əmr edər, yaxşılıqdan çəkindirərlər və əllərini bərk saxlayarlar/xəsislik edərlər. Allahı tərk edərlər, Allah da onları tərk edər. Həqiqətən də münafiqlər, məhz haqq yoldan çıxmış kəslərdir.