Nuh Surəsi 7. Ayə - Bütün Tərcümələr
Hər dəfə onları bağışlayasan deyə mən onları (haqq yola) dəvət etdiyimdə, barmaqlarını qulaqlarına tıxadılar, (məni görməmək üçün) paltarlarına büründülər, dirəndilər və çox təkəbbürləndilər.
Əlixan Musayev:
Sən onları bağışlayasan deyə mən hər dəfə onları (imana) dəvət etdikdə, onlar barmaqlarını qulaqlarına tıxayır, paltarlarına bürünür, (küfrlərində) israr edir və ötkəm-ötkəm təkəbbürlənirdilər.
Bünyadov-Məmmədəliyev:
Sənin onları bağışlamağın üçün mən nə zaman onları (imana) dəvət etdimsə, onlar (dəvətimi eşitməsinlər deyə) barmaqlarını qulaqlarına tıxadılar, (məni görməsinlər deyə) libaslarına büründülər, (küfrlərində) israr edib durdular və təkəbbür göstərdilər.
Elmir Quliyev
:
Каждый раз, когда я призывал их, чтобы Ты простил их, они затыкали пальцами уши и укрывались одеждами. Они упорствовали и надменно превозносились.
Ələddin Sultanov:
Hər dəfə onları bağışlayasan deyə mən onları (haqq yola) dəvət etdiyimdə, barmaqlarını qulaqlarına tıxadılar, (məni görməmək üçün) paltarlarına büründülər, dirəndilər və çox təkəbbürləndilər.
Kerbelayi Malik ağa:
Sənin onları məğfirət etməyin üçün mən hər dəfə onları dəvət etdikdə barmaqlarını qulaqlarına tıxadılar və (görməmək üçün) libaslarına büründülər və (bu davranışlarında) israr etdilər və təkəbbürlük göstərdilər.
Ələsgər Musayev:
Mən külli nə ki, dəvət etdim
onları, bağışlamağın üçün onları, onlar barmaqlarını qulaqlarına
qoyub və paltarları ilə özlərini örtdülər və israr edərək
təkəbbürcəsinə təkəbbürlük etdilər.
A.Mehdiyev və D.Cəfərli:
«Sənin onları bağışlamağın üçün mən nə vaxt onları dəvət etdimsə barmaqlarını qulaqlarına tıxadılar, libaslarını başlarına çəkdilər, (etiraz edərək inadla) israr etdilər və şiddətlə təkəbbür göstərdilər».
Kövsər Tağıyev:
“Şübhəsiz, sən onları bağışlayasan deyə mən hər dəfə onları dəvət edəndə barmaqların qulaqlarına tıxadılar, libaslarına büründülər, inanmamaqda inad etdilər və böyük bir təkəbbür göstərdilər”.
M.Qənioğlu və T.Bilaloğlu:
Onları bağışlayasan deyə (imana) çağırdıqca onlar barmaqlarını qulaqlarına qoydular və paltarları ilə üzlərini örtüb inad göstərdilər və çox təkəbbür etdilər.
Sabirə Dünyamalıyeva:
Və şübhəsiz ki, mən onları, Sənin onları bağışlamağın üçün hər dəfə dəvət edəndə, onlar barmaqlarını qulaqlarına tıxadılar, libaslarına büründülər, inadkarlıq etdilər və təkəbbür göstərdilər.