Tövbə Surəsi 72. Ayə - Bütün Tərcümələr
Allah mömin kişilərə və mömin qadınlara altından çaylar axan, əbədi qalacaqları cənnətlər və Ədn cənnətlərində gözəl məskənlər vəd etmişdir. Allahın rizası isə (hamısından) daha böyükdür. Böyük uğur məhz budur!
Əlixan Musayev:
Allah mömin kişilərə və mömin qadınlara (ağacları) altından çaylar axan, içində əbədi qalacaqları Cənnət bağları və Ədn bağlarında gözəl məskənlər vəd etmişdir. Allahın razılığı isə daha böyükdür. Bu, böyük uğurdur.
Bünyadov-Məmmədəliyev:
Allah mömin kişilərə və qadınlara (ağacları) altından çaylar axan cənnətlər və Ədn cənnətlərində gözəl məskənlər vəd buyurmuşdur. Onlar orada əbədi qalacaqlar. Allahdan olan bir razılıq isə (bunların hamısından) daha böyükdür. Bu, böyük qurtuluşdur (uğurdur)!
Elmir Quliyev
:
Аллах обещал верующим мужчинам и женщинам Райские сады, в которых текут реки и в которых они пребудут вечно, а также прекрасные жилища в садах Эдема. Но довольство Аллаха будет превыше этого. Это и есть великое преуспеяние.
Ələddin Sultanov:
Allah mömin kişilərə və mömin qadınlara altından çaylar axan, əbədi qalacaqları cənnətlər və Ədn cənnətlərində gözəl məskənlər vəd etmişdir. Allahın rizası isə (hamısından) daha böyükdür. Böyük uğur məhz budur!
Kerbelayi Malik ağa:
Allah mömin kişilərə və mömin qadınlara orada əbədi qalacaqları, altından çaylar axan cənnətlər vəd etdi. Adn cənnətlərində gözəl məskənlər (vardır). (Bunların) ən böyüyü Allahdan bir razılıqdır (Allahın razı olmasıdır). Məhz o, fevz-ül əzimdir (ən böyük qurtuluşdur).
Ələsgər Musayev:
Vədi Allahın mömin və möminələrə
cənnətlər – cari olur altından onun nəhrlər, həmişəlikdirlər
orada və məskənlər pak Ədn cənnətlərində. Razılıq Allahdan
böyük. Budur əzəmətli səadət!
A.Mehdiyev və D.Cəfərli:
Allah mömin kişilərə və möminə qadınlara (ev və ağaclarının) altından çaylar axan, əbədi qalacaqları Cənnətlər vəd etmişdir. Həmçinin əbədi Cənnətlərdə pak məskənlər! Allah tərəfindən olan razılıq (isə bütün nemətlərdən) böyükdür. Budur böyük uğur və qurtuluş!
Kövsər Tağıyev:
Allah mömin kişilərə və mömin qadınlara əbədi olaraq qalacaqları, içindən çaylar axan cənnətlər və Ədn cənnətlərində çox gözəl köşklər vəd etdi. Allahın rizası isə bunların hamısından daha böyükdür. Bu, böyük uğurdur.
M.Qənioğlu və T.Bilaloğlu:
Allah mömin kişi və mömin qadınlara dibindən çaylar axan və orada əbədi qalacaqları Ədn cənnət bağları və əbədi cənnət bağlarında gözəl məskənlər vəd etmişdir.! Allahın razı qalması (hər şeydən) üstündü Bu, böyük uğurdur!
Sabirə Dünyamalıyeva:
Allah, mömin kişilərə və mömin qadınlara, içində həmişəlik qalacaqları, altlarından çaylar axan cənnətlər və Ədn cənnətlərində xoş məskənlər vəd etdi. Allahın razılığı isə daha böyükdür. Bax məhz bu, çox böyük qurtuluşdur.