Ənfal Surəsi 74. Ayə - Bütün Tərcümələr
İman gətirib Allah yolunda hicrət edənlər, cihad edənlər və (mühacirlərə) sığınacaq verib yardım edənlərə gəldikdə, həqiqətən, onlar əsil möminlərdir. Onlar üçün bağışlanma və bol ruzi vardır.
Əlixan Musayev:
İman gətirən, hicrət edən və Allah yolunda cihad edənlər və sığınacaq verib köməklik göstərənlər – məhz onlar həqiqi möminlərdir. Onlar üçün bağışlanma və bolluca ruzi vardır.
Bünyadov-Məmmədəliyev:
İman gətirib (Məkkədən Mədinəyə) köçənlər, Allah yolunda cihad edənlər (mühacirlər) və (Peyğəmbərlə mühacirlərə) sığınacaq verib kömək edənlər (ənsar) – məhz onlar həqiqi möminlərdir. Onları (axirətdə) bağışlanma və tükənməz (gözəl, minnətsiz) ruzi gözləyir!
Elmir Quliyev
:
Те, которые уверовали, совершили переселение и сражались на пути Аллаха, а также те, которые дали убежище и оказали им помощь, являются истинно верующими. Им уготованы прощение и щедрый удел.
Ələddin Sultanov:
İman gətirib Allah yolunda hicrət edənlər, cihad edənlər və (mühacirlərə) sığınacaq verib yardım edənlərə gəldikdə, həqiqətən, onlar əsil möminlərdir. Onlar üçün bağışlanma və bol ruzi vardır.
Kerbelayi Malik ağa:
Amənu olanlar, hicrət edən kəslər, Allah yolunda cihad edən kəslər, himayə edən və yardım edən kəslər, məhz onlar gerçək möminlərdir. Onlar üçün məğfirət və kərim ruzi vardır.
Ələsgər Musayev:
O kəslər ki, inanırlar və Allah yolunda hicrət edib və cihad edirlər və o kəslər ki, yer veriblər və yardım edirlər – həmin onlardır həqiqi inananlar. Onlar üçün bağışlanmaq və kəramətli ruzilər vardır!
A.Mehdiyev və D.Cəfərli:
İman gətirən, hicrət edən və Allah yolunda cihad edən kəslər və (onlara) yer və pənah verən və kömək edənlər - onlardır həqiqi möminlər! Onlar üçün bağışlanma və gözəl və bol ruzi vardır.
Kövsər Tağıyev:
İman edib hicrət edən və Allah yolunda cihad edənlər və (mühacirlərə) sığınacaq verib (onlara) yardım edənlər ki var, onlar həqiqi möminlərdir. Onlar üçün bir bağışlanma və bol-bol ruzi var.
M.Qənioğlu və T.Bilaloğlu:
İman gətirənlər, hicrət edənlər, Allah yolunda cihad edənlər və (onlara) sığınacaq verib kömək edənlər - bunlar həqiqətən də mömindirlər. Onlar üçün bağışlanma və bolluca ruzi vardır.
Sabirə Dünyamalıyeva:
Və iman edən, hicrət edən və Allah yolunda var gücüylə səy edən o kəslər və sığınacaq verib kömək edən kəslər; bax bunlar həqiqi möminlərdir. Bunlar üçün bağışlanmaq və gözəl bir ruzi vardır.