İsra Surəsi 78. Ayə - Bütün Tərcümələr
Günorta vaxtından gecənin qaranlığına qədər (müəyyən vaxtlarda) namaz qıl! Bir də sübh namazını (qıl)! Şübhəsiz ki, sübh namazı (mələklər tərəfindən) müşahidə olunur. (Təfsirçilərə görə, bu ayə beş vaxt namaza işarə edir. Belə ki, günortadan sonrakı namazlar günorta və ilkindi namazları, günəşin batmasından sonrakı namazlar da axşam və yatsı namazlarıdır. Sübh namazı isə xüsusi olaraq qeyd edilmişdir.)
Əlixan Musayev:
Gün batmağa meyl edəndən gecənin qaranlığınadək (bəlli )(vaxtlarda) namaz qıl və sübh çağı Quran oxu (fəcr namazını da qıl)! Çünki sübh çağı oxunan Quranın şahidləri olur.
Bünyadov-Məmmədəliyev:
Günortadan (gün batmağa meyl edəndən) gecənin qaranlığınadək namaz (günorta, ikindi, axşam və gecə namazları) qıl. Sübh namazını da qıl. Çünki sübh namazı (gecə və gündüz mələkləri, həmçinin bir çox insan tərəfindən) müşahidə olunur.
Elmir Quliyev
:
Совершай намаз с полудня до наступления ночного мрака и читай Коран на рассвете. Воистину, на рассвете Коран читают при свидетелях (ангелах).
Ələddin Sultanov:
Günorta vaxtından gecənin qaranlığına qədər (müəyyən vaxtlarda) namaz qıl! Bir də sübh namazını (qıl)! Şübhəsiz ki, sübh namazı (mələklər tərəfindən) müşahidə olunur. (Təfsirçilərə görə, bu ayə beş vaxt namaza işarə edir. Belə ki, günortadan sonrakı namazlar günorta və ilkindi namazları, günəşin batmasından sonrakı namazlar da axşam və yatsı namazlarıdır. Sübh namazı isə xüsusi olaraq qeyd edilmişdir.)
Kerbelayi Malik ağa:
Günəşin dönməsindən gecənin qaralmasına qədər namaz qıl. Fəcr vaxtı oxunan Quranı yerinə yetir! Çünki sübh çağı oxunan Quran şahidlidir.
Ələsgər Musayev:
Qalx islahat üçün şəms gecəyə bürünməyə meyl edəndən
və Qur’anı fəcrdə. Həqiqətən, Qur’an fəcrdə müşahidə olunar!
A.Mehdiyev və D.Cəfərli:
Namazı (gündəlik vacib namazların dördünü N zöhr, əsr, məğrib və işa namazlarını və onların iyirmi iki rəkət nafilələrini) günəşin (hər bir kəsin öz məntəqəsinə uyğun olaraq günortanın tam yarısından) batmağa doğru meyl etməsinin əvvəlindən gecənin tam qaranlığına (gecə yarısına) qədər qıl və həmçinin sübh namazını (və onun nafiləsini də qıl). Həqiqətən sübh namazı (gecə və gündüz mələkləri tərəfindən yazılmaq üçün) müşahidə olunur.
Kövsər Tağıyev:
Günəşin zəvalından (günorta vaxtı qərbə tərəf yönəlməsindən) gecənin qaranlığınadək (müəyyən vaxtlarda) namaz qıl. Bir də sübh namazını qıl. Çünki sübh namazı şahidlidir.
M.Qənioğlu və T.Bilaloğlu:
Gün əyilən vaxtdan gecə qaranlığı düşənə qədər namazlarını qıl, sübh Quranını [namazını] da. Həqiqətən, sübh namazının çox şahidləri vardır.
Sabirə Dünyamalıyeva:
Günəşin batmasından/itməsindən gecənin qaranlığının düşməsinə qədər səlatı yerinə yetir [maddi və zehni baxımdan dəstək olmağı; cəmiyyəti maarifləndirmə qurumlarını meydana gətir və davam etdir] və səhər də öyrənmə-öyrətmə işini həyata keçir. Çünki səhərlər öyrənmə-öyrətmə işi görülməli işdir.