Kəhf Surəsi 79. Ayə - Bütün Tərcümələr
Gəmiyə gəldikdə, o, dənizdə işləyən yoxsul kimsələrə məxsus idi. Mən də onu qüsurlu vəziyyətə salmaq istədim. Çünki orada bütün (qüsursuz) gəmiləri qəsb edən bir kral var idi.
Əlixan Musayev:
Gəmiyə gəlincə, o, dənizdə çalışan kasıb adamlara məxsus idi. Mənim onu korlamağımın səbəbi, onların önündə hər bir (yararlı) gəmini zorla ələ keçirən hökmdarın olması idi.
Bünyadov-Məmmədəliyev:
Belə ki, gəmi dənizdə çalışıb-vuruşan bir dəstə yoxsula mənsub idi. Mən onu xarab etmək istədim, çünki həmin adamların arasında (yaxud qabağında) hər bir saz gəmini zorla ələ keçirən bir padşah var idi.
Elmir Quliyev
:
Что касается корабля, то он принадлежал беднякам, которые трудились в море. Я захотел повредить его, потому что перед ними находился царь, который силой отнимал все неповрежденные корабли.
Ələddin Sultanov:
Gəmiyə gəldikdə, o, dənizdə işləyən yoxsul kimsələrə məxsus idi. Mən də onu qüsurlu vəziyyətə salmaq istədim. Çünki orada bütün (qüsursuz) gəmiləri qəsb edən bir kral var idi.
Kerbelayi Malik ağa:
Belə ki, gəmi dənizdə çalışan kasıbların idi. Onu qüsurlu etmək istədim. Çünki onların önündə bütün gəmiləri zorla ələ keçirən bir hökmdar vardı.
Ələsgər Musayev:
Amma o gəmi dəryada əməl edən neçə nəfər miskinin idi
ki, mən onu istədim xarab edəm, çünki onların ardında bir
məlik var idi ki, külli gəmiləri tutub qəsb edirdi.
A.Mehdiyev və D.Cəfərli:
Gəmiyə gəldikdə: O, dənizdə işləyən yoxsulların idi. Mən onu nöqsanlı etmək istədim, çünki onların yolunun üstündə bütün (salamat) gəmiləri zorla ələ keçirən bir padşah var idi.
Kövsər Tağıyev:
“O gəmi dənizdə işləyən bir dəstə yoxsula aid idi. Ona xətər yetirmək istədim, çünki onlardan irəlidə hər gəmini zorla ələ keçirən bir kral var idi”.
M.Qənioğlu və T.Bilaloğlu:
Gəmiyə gəlincə, o, dənizdə çalışan kasıb adamlarınkı idi. Mən onu korlamaq istədim, çünki oralarda bütün gəmiləri zorla qəsb edən bir hökmdar var idi.
Sabirə Dünyamalıyeva:
Gəmi hadisəsinə gəlincə; o, dənizdə işləyən bəzi yoxsulların idi. O səbəblə mən onu qüsurlu hala gətirmək istədim. Yaxınlıqda bütün gözəl, möhkəm gəmiləri qəsb edib alan bir kral vardı.