Fatir Surəsi 9. Ayə - Bütün Tərcümələr
Küləkləri göndərib buludları hərəkətə gətirən Allahdır. Biz onu (buludu) ölü bir məmləkətə göndərərik və quruduqdan sonra torpağı onunla dirildərik. Axirətdəki diriltmək də belə olacaqdır.
Əlixan Musayev:
Buludları hərəkətə gətirən küləkləri göndərən Allahdır. Biz onları ölü bir diyara tərəf qovub, yeri ölümündən sonra onunla canlandırırıq. Diriltmə də belə olacaqdır.
Bünyadov-Məmmədəliyev:
Buludları hərəkətə gətirən küləkləri Allahdır göndərən! Biz (o buludları) quru (ölü) bir məmləkətə tərəf qovub, öldükdən sonra torpağı onunla dirildirik. (Ölüləri) diriltmək də belədir!
Elmir Quliyev
:
Аллах — Тот, Кто посылает ветры, которые поднимают облака. Потом Мы гоним их в вымершие страны и оживляем ею (дождевою водой) землю после ее смерти. Таким же образом произойдет воскрешение.
Ələddin Sultanov:
Küləkləri göndərib buludları hərəkətə gətirən Allahdır. Biz onu (buludu) ölü bir məmləkətə göndərərik və quruduqdan sonra torpağı onunla dirildərik. Axirətdəki diriltmək də belə olacaqdır.
Kerbelayi Malik ağa:
Allah küləyi göndərir, beləcə buludları hərəkət etdirir. Sonra da onu ölü diyara göndəririk. Beləliklə yeri, ölümündən sonra onunla (yağışla) dirildərik. Yenidən dirilmə məhz bunun kimidir.
Ələsgər Musayev:
Allahdır ki, göndərir küləkləri və seyr etdirir buludları. Və
Biz qovuruq onu ölü şəhərə tərəf və onunla həyat veririk ərzə
ölümündən sonra. Belədir nəşr edilmək!
A.Mehdiyev və D.Cəfərli:
Buludu hərəkətə gətirən küləkləri göndərən Allahdır, Biz onu (buludu) ölmüş (bitkiləri qurumuş) bir torpağa tərəf sövq etdik və onunla o torpağı öldükdən sonra diriltdik (müxtəlif bitkilərin toxumlarını cücərtdik). (Qiyamət günü) dirilmə də belədir (torpağın köksündə parçalanıb dağılmış bədənlərin zərrələrini hərəkətə gətirərək, onları bir-birlərilə birləşdirəcək və dirildəcəyik).
Kövsər Tağıyev:
Allah küləkləri göndərəndir. Onlar da buludları hərəkət etdirir. Biz də buludları ölü bir torpağa tərəf sürükləyər və onunla ölümündən sonra yer üzünü dirildərik. Ölümdən sonra diriliş də belədir.
M.Qənioğlu və T.Bilaloğlu:
Küləkləri göndərib onlarla buludları hərəkətə gətirən Allahdır. Sonra Biz onları cansız bir diyara sürüb bununla torpağı ölümündən sonra dirildirik. Diriltmə də belədir.
Sabirə Dünyamalıyeva:
Və küləkləri göndərən Allahdır. Sonra da onlar buludu hərəkətə keçirib yuxarılara qaldırar. Ardınca, Biz, o buludu ölmüş bir diyara sürüb göndərərik. Beləliklə, onun vasitəsi ilə yer üzünü ölümdən sonra dirildərik. Ölüb çürümüş insanlara həyat vermək də bax belədir.