Maidə Surəsi 97. Ayə - Bütün Tərcümələr
Allah müqəddəs ev olan Kəbəni, haram ayı, həcc qurbanını və (qurbanlığın boynuna asılan) boyunbağları insanlar üçün bir dayaq (dolanacaq vasitəsi) etdi. Bu, Allahın göylərdə və yerdə nə varsa, hamısını bildiyini və hər şeydən xəbərdar olduğunu dərk etməyiniz üçündür.
Əlixan Musayev:
Allah Kəbəni – müqəddəs evi, haram ayı, qurbanı və boynuna nişan taxılmış qurbanlıq heyvanları insanların işlərini yoluna qoymaq (üçün bir vasitə kimi müəyyən) etdi. Bu ona görədir ki, siz göylərdə və yerdə olanların Allaha bəlli olmasını və Allahın hər şeyi Bilən olduğunu anlayasınız.
Bünyadov-Məmmədəliyev:
Allah Beytülhəram (müqəddəs ev) olan Kəbəni haram ayı (zülhiccəni), (Kəbəyə gətirilən) boyunları bağsız və bağlı (boyunlarına nişan taxılmamış və taxılmış) qurbanları insanların (dini və dünyəvi işlərinin) düzəlib sahmana düşməsi üçün bir yol müəyyən etdi. Bu ona görədir ki, Allahın göylərdə və yerdə nə varsa (hamısını) bilməsini, özü də Allahın hər şeyi (layiqincə) bilən olmasını siz də biləsiniz!
Elmir Quliyev
:
Аллах сделал Каабу, Заповедный дом, а также запретный месяц, жертвенных животных и животных (или людей) с ожерельями опорой для людей. Это — для того, чтобы вы знали, что Аллаху известно о том, что на небесах, и том, что на земле, и что Аллах ведает о всякой вещи.
Ələddin Sultanov:
Allah müqəddəs ev olan Kəbəni, haram ayı, həcc qurbanını və (qurbanlığın boynuna asılan) boyunbağları insanlar üçün bir dayaq (dolanacaq vasitəsi) etdi. Bu, Allahın göylərdə və yerdə nə varsa, hamısını bildiyini və hər şeydən xəbərdar olduğunu dərk etməyiniz üçündür.
Kerbelayi Malik ağa:
Allah Beyti Haram olan Kəbəni, Haram ayını, həcc qurbanını və boynuna qurban nişanəsi taxılmış qurbanlıqları insanların həyatlarını yoluna qoymaq üçün müəyyən etdi. Bu ‘Allahın göylərdə və yerlərdə olanı bildiyini və Allahın hər şeyi ən yaxşı bilən olduğunu’ bilməyiniz üçündür.
Ələsgər Musayev:
Allah etdi kəbəni – hörmətli evi
insanların qiyamı üçün və hörmətli şəhrləri və hədiyyələri və
bəzədilmişləri. Bu, bilməniz üçündür ki, Allah bilir nə ki,
səmalarda və nə ki, ərzdə var. Həqiqətən, Allah küllisi ilə şeyin
Alimdir!
A.Mehdiyev və D.Cəfərli:
Allah Kə’bəni – o möhtərəm və təhlükəsiz evi, haram ayı (Həcc ayını və ya dörd haram ayı), nişanəsiz qurbanlığı və nişanəli qurbanları insanların (din və dünyasının) dayaq və bərqərarlıq vasitəsi etdi. Bu (böyük və hikmətli qanunvericilik) ona görədir ki, siz biləsiniz (ki): Şübhəsiz, Allah göylərdə olanı və yerdə olanı bilir və Allah hər bir şeyi biləndir.
Kövsər Tağıyev:
Allah Kəbəni – o hörmətli evi, haram ayı, həcc qurbanını və (bu qurbanlara taxılmış) boyunbağıları insanlar(ın din və dünyaları) üçün dirilik (və canlanma) səbəbi etdi. Bunlar göylərdə və yerdə nə varsa hamısını Allahın bildiyini və Allahın (zatən) hər şeyi haqqı ilə bildiyini bilməyiniz üçündür.
M.Qənioğlu və T.Bilaloğlu:
Allah Kəbəni - Beytül-Həramı insanlar üçün bir (maddi və mənəvi) güzəran yeri, haram ayını, qurban edilən və qurbanlıq kimi nişanlanan heyvanları da müəyyən etdi ki, göylərdə və yer üzündə olanların Allaha bəlli olduğunu və Allahın hər şeydən xəbərdar olduğunu biləsiniz.
Sabirə Dünyamalıyeva:
Allah, Kəbəni; o Beytülhəramı, haram ayı, həcc edənlərə yemək üçün heyvan hədiyyə etməyi və gərdənlikləri/həcc edənlərin yeməsi üçün göndərilən heyvanlara vurulan nişanları insanların ayağa qalxması; silkinməsi, özlərini xilas etməsi üçün [bir vasitə] etdi. Bu ona görədir ki, Allahın göylərdə və yerdə olan hər şeyi bildiyini və Allahın hər şeyi layiqincə bilən olduğunu siz də biləsiniz.