Ənfal Surəsi 1. Ayə - Bütün Tərcümələr
Səndən qənimətlər haqqında soruşurlar. De: “Qənimətlər Allaha və Peyğəmbərə məxsusdur. Ona görə də əgər (həqiqi) möminsinizsə, Allahdan qorxun, aranızı düzəldin (münaqişələrə son verin), Allaha və Onun Peyğəmbərinə itaət edin!”
Əlixan Musayev:
Səndən qənimətlər haqqında soruşurlar. De: “Qənimətlər Allaha və Peyğəmbərə aiddir”. Elə isə Allahdan qorxun və öz aranızdakı əlaqələri möhkəmlədin. Əgər möminsinizsə, Allaha və Onun Elçisinə itaət edin.
Bünyadov-Məmmədəliyev:
(Ya Peyğəmbərim!) Səndən (müharibədə əldə edilmiş) qənimətlər (onların kimə çatması) haqqında soruşarlar. De: “Qənimətlər Allahın və Peyğəmbərinindir (onun bölünməsi Allaha və Peyğəmbərinə aiddir). Buna görə də əgər (həqiqi) möminsinizsə, Allahdan qorxun, aranızdakı münasibətləri düzəldin, Allaha və Onun Peyğəmbərinə itaət edin!
Elmir Quliyev
:
Они спрашивают тебя о трофеях. Скажи: "Трофеи принадлежат Аллаху и Посланнику". Побойтесь же Аллаха и урегулируйте разногласия между собой. Повинуйтесь Аллаху и Его Посланнику, если вы являетесь верующими.
Ələddin Sultanov:
Səndən qənimətlər haqqında soruşurlar. De: “Qənimətlər Allaha və Peyğəmbərə məxsusdur. Ona görə də əgər (həqiqi) möminsinizsə, Allahdan qorxun, aranızı düzəldin (münaqişələrə son verin), Allaha və Onun Peyğəmbərinə itaət edin!”
Kerbelayi Malik ağa:
Səndən qənimət barəsində soruşurlar: 'Qənimətlər Allahın və Rəsulundur.' de. Artıq Allaha qarşı təqva sahibi olun və aranızdakı vəziyyəti islah edin (düzəldin)! Əgər möminlərsinizsə, Allaha və Onun Rəsuluna itaət edin.
Ələsgər Musayev:
Sual edirlər səndən qənimət barəsində, de: «Qənimət Allah və Onun rəsulu üçündür. Qorxun Allahdan və öz aranızda saleh olun və itaət edin Allaha və Onun rəsuluna, əgər oldunuz inananlar!»
A.Mehdiyev və D.Cəfərli:
Səndən «ənfal» (bu ayənin nazil edilməsinə səbəb olan döyüş qənimətləri də nümunələrindən biri olan müxtəlif adlı çoxlu ümumi mallar) barəsində soruşurlar, de: «Ənfal» Allaha və Onun Peyğəmbərinə məxsusdur (onların həqiqi sahibi Allah, şərti sahibi isə Onun nümayəndəsi olaraq Peyğəmbərdir). Odur ki, Allahdan qorxun, aralarınızdakı əlaqələri düzəldin (və «ənfal» üstündə mübahisə və dava-dalaş etməyin) və əgər möminsinizsə, Allaha və Onun Peyğəmbərinə itaət edin».
Kövsər Tağıyev:
(Ey Muhamməd!) Səndən qənimətlər haqqında soruşurlar. De ki: “Qənimətlər Allaha və Rəsuluna aiddir. Əgər möminlərsinizsə, Allaha qarşı gəlməkdən çəkinin, aranızı düzəldin, Allaha və Rəsuluna itaət edin”.
M.Qənioğlu və T.Bilaloğlu:
Onlar səndən qənimətlər barəsində soruşarlar. De: "Qənimətlər Allaha və peyğəmbərə məxsusdur. Allahdan qorxun, öz aranızda sülh yaradın, əgər siz iman gətirənsinizsə, Allaha və Onun peyğəmbərinə itaət edin!"
Sabirə Dünyamalıyeva:
Səndən müharibənin bəxşişləri; qazancları barədə soruşurlar. De ki: "Ənfal/müharibə bəxşişləri; qazancları, Allah və Elçisi/xalq üçündür. Ona görə də, siz möminsinizsə, Allahın mühafizəsi altına daxil olun, bir-birinizlə aranızdakı münasibətləri düzəldin, Allaha və Elçisinə itaət edin.