Nəhl Surəsi 112. Ayə - Bütün Tərcümələr
Allah (əhalisi) əmin-amanlıq içində olan və ruzisi hər yerdən bol-bol gələn bir şəhəri (Məkkəni) misal çəkir. Ancaq (oranın əhalisi) Allahın nemətlərini inkar etdi. Allah da onlara, etdikləri əməllərə görə aclıq və qorxu sıxıntısını daddırdı. (Yuxarıdakı ayədə sözü gedən şəhər Məkkə şəhəridir. Çünki məkkəlilər Allahın Peyğəmbərini yalanlayaraq sahib olduqları rifaha nankorluq etdilər. Buna görə də yeddi il boyunca şiddətli bir qıtlıqla üzləşdilər.)
Əlixan Musayev:
Allah təhlükəsizlik və əmin-amanlıq içində olan bir diyarı (Məkkəni) misal çəkir. Ona öz ruzisi hər yerdən bol-bol gəlirdi. Lakin o (diyarın əhalisi) Allahın nemətlərinə nankorluq etdi, Allah da onları etdikləri əməllərə görə aclıq və qorxu libasına bürüdü.
Bünyadov-Məmmədəliyev:
Allah bir şəhəri (Məkkəni) misal gətirir. O şəhər əmin-amanlıq və arxayınlıq içində idi. Lakin (əhalisi) Allahın nemətini inkar etdi, Allah da həmin şəhərə (sakinlərinin) etdikləri əməllərə görə (yeddi il) aclıq və qorxu bəlası daddırdı.
Elmir Quliyev
:
Аллах привел в качестве притчи селение, которое пребывало в безопасности и покое (Мекку). Они обретали свой удел в изобилии отовсюду, но не благодарили Аллаха за эти блага, и тогда Аллах облачил их в одеяние голода и страха за то, что они творили.
Ələddin Sultanov:
Allah (əhalisi) əmin-amanlıq içində olan və ruzisi hər yerdən bol-bol gələn bir şəhəri (Məkkəni) misal çəkir. Ancaq (oranın əhalisi) Allahın nemətlərini inkar etdi. Allah da onlara, etdikləri əməllərə görə aclıq və qorxu sıxıntısını daddırdı. (Yuxarıdakı ayədə sözü gedən şəhər Məkkə şəhəridir. Çünki məkkəlilər Allahın Peyğəmbərini yalanlayaraq sahib olduqları rifaha nankorluq etdilər. Buna görə də yeddi il boyunca şiddətli bir qıtlıqla üzləşdilər.)
Kerbelayi Malik ağa:
Allah (qorxudan) əmin və mütməin (hüzurlu, rahat) olan bir şəhərin xalqını misal verdi. Onun ruzisi hər yerdən bol-bol gəlirdi. Lakin o (şəhər xalqı), Allahın nemətlərinə nankorluq etdi. Bundan sonra Allah onlara etmiş olduqlarına görə aclıq və qorxu libasını daddırdı.
Ələsgər Musayev:
Allah məsəl vurur bir kəndi ki, onda əminamanlıq
və sülh vardı. Külli məkandan ona bol ruzilər gəlirdi
və onlar Allahın nemətlərinə kafir oldular. Daddırdı Allah ona
etdikləri əməllərin müqabilində aclıq və qorxu libası.
A.Mehdiyev və D.Cəfərli:
Allah (itaətsizlik və nemətə nankorluğun aqibəti barəsində düşməndən və pis hadisələrdən) amanda və xatircəm olan, ruziləri hər tərəfdən bol-bol gələn cəmiyyəti məsəl çəkib. Belə olan halda onlar Allahın nemətlərinə nankorluq etdilər, Allah da etdiklərinin cəzası olaraq onlara aclıq və qorxu libası geyindirdi və onlara onun tamını dadızdırdı.
Kövsər Tağıyev:
Allah belə bir məmləkəti misal çəkdi: Ora əmin-amanlıq və hüzur içində idi. Oraya hər tərəfdən bol-bol ruzi gəlirdi. Lakin Allahın nemətlərinə nankorluq etdilər. Buna görə də etdiklərinin əvəzi olaraq Allah onlara şiddətli aclıq və qorxu iztirabını daddırdı.
M.Qənioğlu və T.Bilaloğlu:
Allah əmin-amanlıq və sakitlik içində olan, hər yerdən ruzisi bol-bol gələn, lakin Allahın bu nemətlərini inkar edən, ona görə də Allahın ona, törətdiyi əməllərə görə aclıq və qorxu acısını daddırdığı bir diyar (xalqını) misal çəkdi.
Sabirə Dünyamalıyeva:
Və Allah bir şəhəri misal çəkdi: Bu şəhər, təhlükəsiz, dinc idi və oraya hər yerdən bol-bol ruzi gəlirdi. Lakin onlar Allahın nemətlərinə qarşı nankorluq etdilər. Allah da onlara etdikləri şeylər üzündən aclıq və qorxu libası geydirdi/aclıq və qorxu fəlakətini daddırdı.