Rəd Surəsi 15. Ayə - Bütün Tərcümələr
Əlixan Musayev:
Göylərdə və yerdə olan məxluqlar da, onların kölgələri də səhər-axşam istər-istəməz Allaha səcdə edir.
Bünyadov-Məmmədəliyev:
Göylərdə və yerdə kim varsa, (özləri də), kölgələri də səhər-axşam istər-istəməz Allaha səcdə edər! (Yer üzündəki möminlər sidqi-ürəkdən, kafirlər və münafiqlər isə ürəkdən istəməyərək, lakin dünyada müəyyən bir mənfəət əldə etmək xatirinə və ya kiminsə, nəyinsə qorxusundan Allaha səcdə edərlər!)
Elmir Quliyev
:
Те, кто на небесах и на земле, а также их тени добровольно или невольно падают ниц перед Аллахом по утрам и перед закатом.
Ələddin Sultanov:
Göylərdə və yerdə olanlar da, onların kölgələri də gecə-gündüz istər-istəməz Allaha səcdə edirlər.
Kerbelayi Malik ağa:
Yerdəkilər və göydəkilər və onların kölgələri səhər, axşam, istəsələr də, istəməsələr də Allaha səcdə edərlər. (Fizik vücudların kölgəsi nəfs və ruhdur. Fizik vücudlar səcdə edincə, nəfslər də səcdə edərlər. Ruh haslətləri (xüsusiyyətləri) ilə istəyərək səcdə edər. Nəfs afətləri səbəbiylə istəməyərək səcdə edər. Əgər kim Allaha təslim olmağı dilər və nəfsini islah edərsə o zaman nəfs də istəyərək səcdə edər.)
Ələsgər Musayev:
Allah üçün səcdə edir kim ki, səmalarda və ərzdə var, könüllü və ikrahla və kölgələri gecə və gündüz.
A.Mehdiyev və D.Cəfərli:
Göylərdə və yerdə olan hər bir kəs və hər bir şey istər-istəməz (ağıl və iman sahibləri ixtiyari itaətkarlıqla, başqaları isə qeyri-ixtiyari itaətkarlıqla) Allaha səcdə edir və həmçinin onların kölgələri (göylərdə günəşin və ya hər hansı bir başqa nurun müqabilində qərar tutan və gecə-gündüzləri olan kölgəli cisimlərin kölgəsi) səhərlər və axşamlar (Allah qarşısında səcdə edirlər).
Kövsər Tağıyev:
Göylərdə və yerdə kim varsa, istər-istəməz özləri də kölgələri də səhər axşam Allaha boyun əyər.
M.Qənioğlu və T.Bilaloğlu:
Göylərdə və yer üzündə olan kəslər də, onların kölgələri də istər- istəməz səhər-axşam Allaha səcdə edirlər.
Sabirə Dünyamalıyeva:
Və yerdə və göylərdə olan hər kəs və kölgələri, istər-istəməz hər zaman yalnız Allaha boyun əyib tabeçilik göstərirlər.