Məhəmməd Surəsi 15. Ayə - Bütün Tərcümələr
Müttəqilərə vəd olunan cənnət belədir: orada xarab olmayan sudan, dadı dəyişməyən süddən, içənlərə ləzzət verən şərabdan və süzmə baldan çaylar vardır. Orada onlar üçün hər cür meyvə və Rəbbi tərəfindən məğfirət vardır. Elə isə o kimsə cəhənnəmdə əbədi qalan və qaynar su içirdilib bağırsaqları parçalanan biri kimi ola bilərmi?!
مَثَلُ الْجَنَّةِ الَّتِي وُعِدَ الْمُتَّقُونَ فِيهَا أَنْهَارٌ مِّن مَّاء غَيْرِ آسِنٍ وَأَنْهَارٌ مِن لَّبَنٍ لَّمْ يَتَغَيَّرْ طَعْمُهُ وَأَنْهَارٌ مِّنْ خَمْرٍ لَّذَّةٍ لِّلشَّارِبِينَ وَأَنْهَارٌ مِّنْ عَسَلٍ مُّصَفًّى وَلَهُمْ فِيهَا مِن كُلِّ الثَّمَرَاتِ وَمَغْفِرَةٌ مِّن رَّبِّهِمْ كَمَنْ هُوَ خَالِدٌ فِي النَّارِ وَسُقُوا مَاء حَمِيمًا فَقَطَّعَ أَمْعَاءهُمْ
Meselul cennetilletî vuidel muttekûn(muttekûne), fîhâ enhârun min mâin gayri âsin(âsinin), ve enhârun min lebenin lem yetegayyer ta’muh(ta’muhu), ve enhârun min hamrin lezzetin liş şâribîn(şâribîne), ve enhârun min aselin musaffâ(musaffen), ve lehum fîhâ min kullis semerâti ve magfiretun min rabbihim, ke men huve hâlidun fîn nâri ve sukû mâen hamîmen fe kattaa em’âehum.
Əlixan Musayev:
Müttəqilərə vəd olunan Cənnətin vəsfi belədir; orada xarab olmayan sudan çaylar, dadı dəyişməyən süddən çaylar, içənlərə ləzzət verən şərabdan çaylar və süzülmüş baldan çaylar vardır. Orada onları hər cür meyvə və Rəbbi tərəfindən bağışlanma gözləyir. (Məgər onlar) od içində əbədi qalan və bağırsaqlarını parça-parça edən qaynar su içirdiləcək kimsələr kimi ola bilərlərmi?
Bünyadov-Məmmədəliyev:
Müttəqilərə vəd olunan Cənnətin vəsfi belədir: orada dadı dəyişməyən (qoxumayan) sudan irmaqlar, təmi çönməyən süddən çaylar, içənlərə ləzzət verən şərabdan nəhrlər və təmiz baldan irmaqlar vardır. Orada onları hər cür meyvə və Rəbbi tərəfindən (günahlardan) bağışlanma gözləyir. (Məgər bu cənnətdə olanlar) cəhənnəm odunda əbədi qalıb bağırsaqları parça-parça edən qaynar su içirdiləcək kəslər kimi ola bilərlərmi?!
Elmir Quliyev
:
Вот описание Рая, обещанного богобоязненным! В нем текут реки из воды, которая не застаивается, реки из молока, вкус которого не изменяется, реки из вина, дарующего наслаждение пьющим, и реки из очищенного меда. В нем для них уготованы любые фрукты и прощение от их Господа. Неужели они подобны тем, кто вечно пребывает в Огне, кого поят кипящей водой, разрывающей их кишки?
Ələddin Sultanov:
Müttəqilərə vəd olunan cənnət belədir: orada xarab olmayan sudan, dadı dəyişməyən süddən, içənlərə ləzzət verən şərabdan və süzmə baldan çaylar vardır. Orada onlar üçün hər cür meyvə və Rəbbi tərəfindən məğfirət vardır. Elə isə o kimsə cəhənnəmdə əbədi qalan və qaynar su içirdilib bağırsaqları parçalanan biri kimi ola bilərmi?!
Kerbelayi Malik ağa:
Təqva sahiblərinə vəd edilən cənnətin durumu budur ki; içində qoxusu dəyişməyən sudan bulaqlar, dadı dəyişməyən süddən bulaqlar, içənlərə ləzzət verən şərabdan bulaqlar və saf (süzülmüş) baldan bulaqlar vardır. Onlar üçün orada hər növ meyvə vardır və (onlar üçün) Rəblərindən məğfirət vardır. (Bunların vəziyyəti), atəşdə davamlı qalacaq olan və qaynar su içirilən, bu səbəblə bağırsaqları parçalanan kimsənin vəziyyəti kimidirmi?
Ələsgər Musayev:
Məsəli cənnətin, hansı ki,
vəd verilib müttəqilərə: orada nəhrlər sudan – duru, təmiz,
xarab olmayan və nəhrlər süddən, tamı dəyişmir. Nəhrlər
şərbətdəndir, ləzzətlidir içənlər üçün və nəhrlər əsil baldandır.
Onlar üçün orada külli səmaratdan və bağışlanmaq
Rəblərindən. O kəs kimidir ki, o, həmişəlik qalacaqdır odda və
onu hamamdakı qaynar su ilə içirdirlər və qət edəcək daxilini,
onların?
A.Mehdiyev və D.Cəfərli:
Təqvalılara vəd edilmiş cənnətin vəsfi (belədir): Orada dad və ətiri qaçmamış sudan çaylar, tamı dəyişməmiş süddən çaylar, içənlər üçün büsbütün ləzzət olan şərabdan çaylar və saflaşdırılmış baldan çaylar vardır. Orada onlar üçün hər cür meyvə və həmçinin Rəbbləri tərəfindən bağışlanma vardır. (Məgər bunlar) odda əbədi qalacaq və bağırsaqlarını parçalayan su içirdiləcək kəslər kimidirlər?!
Kövsər Tağıyev:
Allaha qarşı gəlməkdən çəkinənlərə vəd olunan cənnət belədir. Orada qoxmayan su çayları, dadı dəyişməyən süd çayları, içənlərə zövq verən şərab çayları və süzmə bal çayları var. Orada onlar üçün hər növ meyvə var. Rəblərindən isə bağışlanma var. Bu cənnətliklərin halı atəşdə əbədi qalacaq və bağırsaqlarını parça-parça edəcək qaynar su içirilən kimsələrin halı kimi olarmı?
M.Qənioğlu və T.Bilaloğlu:
Müttəqilərə vəd olunmuş cənnətin təsviri belədir; orada suyu iylənməyən çaylar, tamı dəyişməyən süd çayları, içənlər üçün ləzzətli şərab çayları, təmizlənmiş bal çayları vardır. Orada onlar üçün hər cür mer-meyvələr və öz Rəbbindən bağışlanma vardır. Heç (onlar) cəhənnəm odu içərisində əbədi qalan və mədə-bağırsağını parça-parça edən qaynar su içirdilən kəslər kimidir?
Sabirə Dünyamalıyeva:
Atəşdə əbədi qalacaq olan və qaynar su içirilip bağırsaqları parça-parça olan kəslər kimidirmi? Allahın mühafizəsi altına daxil olan kəslərə vəd edilən cənnətin misalı [belədir]: "Orada dəyişməyən [xarab olmayan] təmiz sudan çaylar, dadı dəyişməyən süddən çaylar, içənlərə ləzzət verən şərabdan çaylar və süzülmüş baldan çaylar var. Onlar üçün cənnətdə hər növ meyvə və Rəbbi tərəfindən bağışlanma var.