Səba Surəsi 18. Ayə - Bütün Tərcümələr
Biz onların (Səbə qövmünün) və bərəkət verdiyimiz məmləkətlərin arasında açıq-aşkar görünən qəsəbələr inşa etdik, aralarındakı gediş-gəlişi də asanlaşdırdıq. (Onlara belə dedik:) “Gecə-gündüz orada arxayın gəzib dolaşın!”
Əlixan Musayev:
(Səbaqəbiləsiilə) bərəkət verdiyimiz məmləkətlər arasında aydın görünən (bir-birinə yaxın) şəhərlər salmış, orada gediş-gəliş yaratmışdıq. “Oralarda gecələr və gündüzlər arxayın gəzib dolaşın!”(– demişdik.)
Bünyadov-Məmmədəliyev:
Onların (Səba əhlinin) yurdu ilə bərəkət verdiyimiz məmləkətlər (Şam və Urdun) arasında bir-birinə bitişik (abad) qəsəbələr inşa etmiş, orada gediş-gəliş yaratmışdıq (belə ki, səfər zamanı yolçular o qəsəbələrin birində istirahət edir, axşam isə digərində yatıb dincəlirdilər). (Onlara belə demişdik: ) “Gecələri-gündüzləri (istədiyiniz vaxt) orada arxayın gəzib-dolanın!”
Elmir Quliyev
:
Между ними и городами, которые Мы благословили, Мы воздвигли ясно различимые города и размерили путь между ними. Разъезжайте между ними ночью и днем в безопасности!
Ələddin Sultanov:
Biz onların (Səbə qövmünün) və bərəkət verdiyimiz məmləkətlərin arasında açıq-aşkar görünən qəsəbələr inşa etdik, aralarındakı gediş-gəlişi də asanlaşdırdıq. (Onlara belə dedik:) “Gecə-gündüz orada arxayın gəzib dolaşın!”
Kerbelayi Malik ağa:
Onlarla bərəkətli etdiyimiz ölkələr arasında, bir-birinə yaxın şəhərlər saldıq və orada seyr (səfər) ediləcək yollar yaratdıq. Orada gecələri və gündüzləri arxayın gəzin (səfər edin, dedik).
Ələsgər Musayev:
Etdik onların arasında və o diyarlar
arasında, hansı ki, bərəkətli etmişdik oranı gözlər üçün zahir
olan diyarlar. Və qədərində etdik orada seyr etməyi: «Seyr edin
orada gecə və gündüz əminliknən!»
A.Mehdiyev və D.Cəfərli:
Onlarla (şəhərləri ilə) bərəkət verdiyimiz şəhərlərin (Şam torpaqları) arasında aşkar (yaxın və bir-birinə bitişik) şəhərlər yaratmış və onların arasında gediş-gəliş müəyyən etmiş və məhdudlaşdırmışdıq (məskənlərin fasiləsi və onların arasındakı get-gəlin miqdarı bir ölçüdə idi və onlara buyurduq:) «Gecələr və gündüzlər bu şəhərlərin arasında aramlıq və əmin – amanlıqla get – gəl edin».
Kövsər Tağıyev:
Səbə xalqı ilə bərəkətləndirdiyimiz şəhərlər arasında (hər biri digərindən) görünən şəhərlər yaratdıq. Oralarda səyahəti asanlaşdırdıq və onlara da belə dedik: “Oralarda gecə-gündüz əmin-amanlıq içində gəzib dolaşın”.
M.Qənioğlu və T.Bilaloğlu:
Biz onlarla [Səba əhli ilə] xeyir-bərəkət verdiyimiz məmləkətlər arasında bir-birindən görünən kəndlər qurduq və orada gediş-gəliş yolu müəyyən edib: “Orada gecə və gündüz arxayın gəzib dolanın.“ - dedik.
Sabirə Dünyamalıyeva:
18) Və Biz onlarla bərəkət verdiyimiz məmləkətlər arasında, arxaları bir-birinə [bitişik] şəhərlər meydana gətirmişdik. Və onlara da müntəzəm gediş-gəliş təşkil etdik: -Bu yerlərdə gecələr və gündüzlər əmin-amanlıq içində gedin-gəlin!-