Ənbiya Surəsi 22. Ayə - Bütün Tərcümələr
Əgər göylərdə və yerdə Allahdan başqa tanrılar olsaydı, onlar mütləq fəsada uğrayardı. Ərşin sahibi olan Allah onların isnad etdikləri sifətlərdən uzaqdır, pakdır.
Əlixan Musayev:
Əgər göydə və yerdə Allahdan başqa tanrılar olsaydı, onların hər ikisi fəsada uğrayardı. Ərşin sahibi olan Allah pakdır və (müşriklərin) (Ona) aid etdikləri sifətlərdən uzaqdır!
Bünyadov-Məmmədəliyev:
Əgər (yerdə və göydə) Allahdan başqa tanrılar olsa idi, onların ikisi də (müvazinətdən çıxıb) fəsada uğrayardı. Ərşin sahibi olan Allah (müşriklərin Ona) aid etdikləri sifətlərdən tamamilə uzaqdır!
Elmir Quliyev
:
Если бы на них (на небесах и земле) были иные божества наряду с Аллахом, то они (небеса и земля) разрушились бы. Аллах, Господь Трона, пречист и далек от того, что они приписывают Ему!
Ələddin Sultanov:
Əgər göylərdə və yerdə Allahdan başqa tanrılar olsaydı, onlar mütləq fəsada uğrayardı. Ərşin sahibi olan Allah onların isnad etdikləri sifətlərdən uzaqdır, pakdır.
Kerbelayi Malik ağa:
Əgər ikisində də (səmada və yerdə) Allahdan başqa ilahlar olsaydı, ikisi də (yer də, göy də) mütləq fəsada uğrayardı. Ərşin Rəbbi Allah onların isnad etdikləri sifətlərdən uzaqdır.
Ələsgər Musayev:
Əgər Allahdan başqa oralarda ilahilər olsaydı, hər ikisi
fəsad olardı. Sübhandır Allah – ərşin Rəbbi, nədən ki, vəsf
edirlər!
A.Mehdiyev və D.Cəfərli:
Əgər göylərdə və yerdə Allahdan başqa digər tanrılar olsaydı, şübhəsiz, (göylərin və yerin) hər ikisi (yaranmaq və qalmaq baxımından) xarab (zay) olardı. (Tədbirli, qüdrətli və müstəqil iradəyə malik bir neçə yaradanın olması yaradılışdan öncə ümumiyyətlə xilqətə mane olardı, belə tanrıların yaradılışdan sonra olması isə məxluqatın qalmasını pozardı.) Buna görə də ərşin sahibi olan (varlıq aləminə mütləq hakim olan) Allah (müşriklərin) sadaladıqları sifətlərdən pak (və uzaq)dır.
Kövsər Tağıyev:
Əgər yerdə və göydə Allahdan başqa ilahlar olsaydı, mütləq ikisi də fəsada uğrayardı. Ərşin Rəbbi olan Allah onların isnad etdikləri vəsflərdən uzaqdır, ucadır.
M.Qənioğlu və T.Bilaloğlu:
Əgər orada [göylərdə və yerdə] Allahdan başqa tanrılar mövcud olsaydı, onda onlar [göylər və yer] korlanıb gedərdi. Ərş sahibi Allah onların verdikləri sifətlərdən yüksəkdə durub təriflərə layiqdir.
Sabirə Dünyamalıyeva:
Əgər yerdə və göydə Allahdan başqa məbudlar olsaydı, bunların ikisi də; yer, göy həqiqətən qarışıqlıq içində olardı/nizamları pozulardı. O halda ən böyük taxtın[#300] Rəbbi olan Allah, onların yaraşdırdığı sifətlərdən pakdır.