Ənbiya Surəsi 30. Ayə - Bütün Tərcümələr
İnkar edənlər göylər və yer bitişik ikən Bizim onları ayırdığımızı və hər bir canlını sudan yaratdığımızı görmədilərmi?! Hələ də iman gətirmirlərmi?
Əlixan Musayev:
Məgər kafirlər göylərlə yer bir olduğu zaman Bizim onları bir-birindən araladığımızı, hər bir canlını sudan yaratdığımızı görmürlərmi? Yenədəmi inanmırlar?
Bünyadov-Məmmədəliyev:
Məgər kafir olanlar göylə yer bitişik ikən Bizim onları ayırdığımızı, hər bir canlını sudan yaratdığımızı bilmirlərmi?! Yenə də iman gətirməzlər? (Göylər ilk yaradılışda bir-birinə bitişik bir təbəqə olduğu halda, onların arası hava ilə açılıb yeddi təbəqəyə ayrılmış, yer də bir təbəqə ikən sonra yeddi təbəqəyə bölünmüşdür. Bu, Allahın qüdrətini, əzəmətini sübut edən ən tutarlı dəlillərdəndir).
Elmir Quliyev
:
Неужели неверующие не видят, что небеса и земля были единым целым, а Мы разделили их и сотворили все живое из воды? Неужели они не уверуют?
Ələddin Sultanov:
İnkar edənlər göylər və yer bitişik ikən Bizim onları ayırdığımızı və hər bir canlını sudan yaratdığımızı görmədilərmi?! Hələ də iman gətirmirlərmi?
Kerbelayi Malik ağa:
İnkar edənlər (kafirlər), səmaların və yerin bitişik olduğunu görmədilərmi? Sonra Biz o ikisini (bir-birindən) ayırdıq və hər canlı şeyi sudan yaratdıq. Hələ inanmazlarmı?
Ələsgər Musayev:
Ə, görmədilərmi o kəslər ki, kafirdirlər, səmalar
və ərz birləşmiş idi və Biz onları açdıq və etdik sudan külli şeyi
diri? Ə, inanmazlarmı?
A.Mehdiyev və D.Cəfərli:
Məgər kafirlər (qəlb gözü) ilə görmədilər ki, göylər və yer (göydəki planetlər və yer kürəsi) bir-birinə birləşik idilər və Biz onları parçalayaraq bir-birindən ayırdıq (və sonsuz planetlər yaratdıq)? [Yaxud: Göydəki planetlərin hər biri və yer bağlı və donmuş vəziyyətdə idilər və onları çaylar, mədənlər, ağaclar və bitkilər vasitəsi ilə yardıq və istifadəyə yararlı etdik.] Biz hər bir canlı varlığı sudan yaratdıq. Yenə də iman gətirmirlər?!
Kövsər Tağıyev:
Küfr edənlər görmədilərmi ki, göylərlə yer bitişik ikən biz onları ayırdıq və canlı olan hər şeyi sudan yaratdıq? Hələ də inanmayacaqlarmı?
M.Qənioğlu və T.Bilaloğlu:
Məgər kafirlər bilmirlər ki, göylər və yer bir-birinə bitişik olduğu halda Biz onları ayırdıq və hər bir canlını sudan yaratdıq? Onlar yenədəmi inanmırlar?
Sabirə Dünyamalıyeva:
Və kafirlər [Allahın məbud və rəbb olduğunu bilə-bilə inkar etmiş olan kəslər], göylər və yer bitişik bir halda ikən Bizim o ikisini ayırdığımızı və həyat sahibi [canlı] olan hər şeyi sudan əmələ gətirdiyimizi görmürlərmi? Buna baxmayaraq, hələ də inanmırlarmı?