Maidə Surəsi 30. Ayə - Bütün Tərcümələr
Əlixan Musayev:
Nəfsi onu qardaşını qətlə yetirməyə vadar etdi və o da nəfsinə tabe olaraq onu öldürdü və ziyana uğrayanlardan oldu.
Bünyadov-Məmmədəliyev:
Nəfsi onu (Qabili) qardaşını öldürməyə sövq etdi, onu (Habili) öldürdü və bununla da zərərçəkənlərdən oldu.
Elmir Quliyev
:
Душа подтолкнула его на убийство своего брата, и он убил его и оказался одним из потерпевших убыток.
Ələddin Sultanov:
Nəfsi onu, qardaşını öldürməyə sövq etdi və onu öldürdü. Buna görə də o, zərər çəkənlərdən oldu.
Kerbelayi Malik ağa:
Bunun üzərinə nəfsi onu qardaşını öldürməyə sövq etdi. Beləcə onu öldürdü, sonra ziyana uğrayanlardan oldu.
Ələsgər Musayev:
Təhrik
etdi onun üçün nəfsi onu qətlinə qardaşının. Qətl etdi onu və
oldu sabahı xəsarətlilərdən.
A.Mehdiyev və D.Cəfərli:
Beləliklə, (pis işlərə əmr edən) nəfsi onu qardaşını qətlə yetirməyə həvəsləndirdi və (bu işi ona) asan göstərdi. Beləliklə onu öldürdü və ziyana uğrayanlardan oldu.
Kövsər Tağıyev:
Nəfsi onu qardaşını öldürməyə sövq etdi, (nəfsinə tabe olaraq) onu öldürdü və beləliklə, ziyana düşənlərdən oldu.
M.Qənioğlu və T.Bilaloğlu:
Nəfsi onu [Qabili] öz qardaşını öldürməyə sövq etdi və onu öldürərək ziyana düşənlərdən oldu.
Sabirə Dünyamalıyeva:
Belə olduqda, qurbanı qəbul edilməyənin nəfsi, qardaşını öldürməyi ona asan göstərdi, sonra da onu öldürdü. Özü də ziyana uğrayanlardan oldu.