Yusif Surəsi 38. Ayə - Bütün Tərcümələr
Mən atalarım İbrahim, İshaq və Yaqubun dininə tabe olmuşam. Hər hansı bir şeyi Allaha şərik qoşmaq bizə yaraşmaz. Bu, Allahın bizə və insanlara olan lütfündəndir. Lakin insanların çoxu (Allaha) şükür etməz.
Əlixan Musayev:
Mən atalarım İbrahim, İshaq və Yaqubun dininə tabe oldum. Hər hansı bir şeyi Allaha şərik qoşmaq bizə yaraşmaz. Bu, Allahın bizə və (bütün) insanlara olan lütfüdür, lakin insanların çoxu şükür etmir.
Bünyadov-Məmmədəliyev:
Mən ata-babalarım İbrahim, İshaq və Yəqubun dininə tabe oldum. Bizə heç bir şeyi Allaha şərik qoşmaq yaraşmaz. Bu (tövhid) Allahın bizə və (bütün) insanlara bəxş etdiyi nemətdir, lakin insanların əksəriyyəti (Ona) şükür etməz!
Elmir Quliyev
:
Я последовал за верой моих отцов Ибрахима (Авраама), Исхака (Исаака) и Йакуба (Иакова). Нам не подобает поклоняться никому, кроме Аллаха. Такова милость Аллаха к нам и к человечеству, но большинство людей неблагодарны.
Ələddin Sultanov:
Mən atalarım İbrahim, İshaq və Yaqubun dininə tabe olmuşam. Hər hansı bir şeyi Allaha şərik qoşmaq bizə yaraşmaz. Bu, Allahın bizə və insanlara olan lütfündəndir. Lakin insanların çoxu (Allaha) şükür etməz.
Kerbelayi Malik ağa:
Mən atalarım İbrahim (ə.s), İshaq (ə.s) və Yaqubun (ə.s) dininə tabe oldum. Bizim Allaha bir şey ilə şirk qoşmamız ola bilməz. Bu Allahın bizə və insanlara fəzlindəndir. Lakin, insanların çoxu şükür etməzlər.
Ələsgər Musayev:
Mən tabe oluram atalarım Ibrahim və Ishaq və Yəqubun
millətinə. Bizə yaraşmaz ki, bir şeyi Allah ilə şərik qoşaq. Bu,
Allahın bizə və insanlara bağışladığı fəzlidir və lakin insanların
əksəriyyəti şükr etməz!
A.Mehdiyev və D.Cəfərli:
«Və atalarım İbrahimin, İshaqın və Yəqubun dininə tabe olmuşam. Biz(im ailəmiz)ə Allaha heç bir şeyi şərik qoşmaq yaraşmaz. Bu (tovhid və hidayət), Allahın bizə və bütün insanlara olan lütflərindəndir. Lakin insanların çoxu şükr etmirlər.»
Kövsər Tağıyev:
“Atalarım İbrahim, İshaq və Yaqubun dininə uydum. Allaha hər hansı bir şeyi şərik qoşmaq bizə yaraşmaz. Bu, bizə və insanlara Allahın bir lütfüdür, lakin insanların çoxu şükür etməzlər”.
M.Qənioğlu və T.Bilaloğlu:
Ata-babalarım İbrahim, İshaq və Yaqubun dini ardınca getdim. Biz Allaha heç bir şeyi şərik tutmamalıyıq. Bu, Allahın bizə və (bütün) insanlara olan fəzilətindəndir. Lakin insanların çoxu buna şükr etmir.
Sabirə Dünyamalıyeva:
Mən ata-babalarım İbrahim, İshaq və Yəqubun dininə, həyat qanununa tabe oldum. Bizim, Allaha heç bir şeyi şərik tutmağımız mümkün deyil. Bu, Allahın bizə və insanlara bir nemətidir. Lakin insanların çoxu özlərinə verilən nemətlərin əvəzini ödəmirlər.