Səba Surəsi 39. Ayə - Bütün Tərcümələr
De: “Həqiqətən, Rəbbim qullarından istədiyinin ruzisini bol edər, istədiyinin ruzisini də azaldar. Siz nə infaq etsəniz, Allah onun yerinə başqasını verər. O, ruzi verənlərin ən xeyirlisidir”.
Əlixan Musayev:
De: “Həqiqətən, Rəbbim istədiyi qullarına ruzisini bol edər, (istədiyinə də) onu azaldar. Nə xərcləsəniz, Allah onun əvəzini verər. O, ruzi verənlərin ən yaxşısıdır!”
Bünyadov-Məmmədəliyev:
(Ya Peyğəmbər!) De: “Həqiqətən, Rəbbim bəndələrindən istədiyinin ruzisini bol edər, (istədiyininkini də) azaldar. (Allah yolunda) nə xərclərsiniz, Allah onun əvəzini verər. O, ruzi verənlərin ən yaxşısıdır!”
Elmir Quliyev
:
Скажи: "Воистину, мой Господь увеличивает или ограничивает удел тому из Своих рабов, кому пожелает. Он возместит все, что бы вы ни израсходовали. Он — Наилучший из дарующих удел".
Ələddin Sultanov:
De: “Həqiqətən, Rəbbim qullarından istədiyinin ruzisini bol edər, istədiyinin ruzisini də azaldar. Siz nə infaq etsəniz, Allah onun yerinə başqasını verər. O, ruzi verənlərin ən xeyirlisidir”.
Kerbelayi Malik ağa:
De ki: ‘Şübhəsiz ki, mənim Rəbbim qullarından dilədiyi kimsənin ruzisini artırar və azaldar. Bir şey infaq etdiyiniz (verdiyiniz) zaman O, onun qarşılığını verər. O, ruzi verənlərin ən xeyirlisidir.
Ələsgər Musayev:
De: «Həqiqətən, Rəbbim kimə istəsə Öz bəndələrindən
ruzisini genişləndirir və qədərində edir onun üçün». Nə infaq
edəsiniz bir şeydən, O dəyişər onu və O ruzi verənlərin
xeyirlisidir!
A.Mehdiyev və D.Cəfərli:
De: «Həqiqətən, mənim Rəbbim bəndələrindən istədiyinin ruzisini (ümumun mənafeyinə və kamil bir quruluşun tələbinə əsasən) bol edər və azaldar və (Allah yolunda) sərf etdiyiniz hər bir şeyin əvəzini verər. O, ruzi verənlərin ən yaxşısıdır».
Kövsər Tağıyev:
De ki: “Şübhəsiz, Rəbbim qullarından istədiyinə ruzini bol verər və (istədiyindən də) azaldar. Allah yolunda hər nə xərcləsəniz, Allah onun əvəzinə başqasını verər. O, ruzi verənlərin ən xeyirlisidir”.
M.Qənioğlu və T.Bilaloğlu:
De: "Rəbbim Öz bəndələrindən istədiyi kəsə bol, istədiyi kəsə az ruzi verir." Siz (Allah yolunda) nə xərc etsəniz, O, onun əvəzini verər. Axı O, ruzi verənlərin ən yaxşısıdır.
Sabirə Dünyamalıyeva:
De ki: "Şübhəsiz ki, mənim Rəbbim bəndələrindən istədiyi kimsənin ruzisini artırar və ona məhdudlaşdırar. Və siz hansı şeydən Allah yolunda xərcləsəniz/[başqalarının] məişətini təmin etsəniz, O, dərhal arxasını gətirər. Və O, ruzi verənlərin ən xeyirlisidir."