İbrahim Surəsi 48. Ayə - Bütün Tərcümələr
O gün yer başqa bir yerlə, göylər də (başqa göylərlə) əvəz olunacaqdır. Onlar tək və hər şeyə qalib olan Allahın hüzurunda duracaqlar. (Yerin və göylərin başqa yer və göylərlə əvəz olunması barəsində təfsirçilər müxtəlif fikirlər irəli sürmüşlər. Bir rəvayətə görə yer üzü cəhənnəmə, göylər isə cənnətə çevriləcəkdir. İbn Abbasdan gələn başqa bir rəvayətə görə isə, yer və göylər olduğu kimi qalacaq, ancaq xüsusiyyətləri dəyişəcəkdir.)
Əlixan Musayev:
O gün yer başqa bir yerlə, göylər də (başqa göylərlə) əvəz olunacaq (və insanlar) Tək olan, (hər şeyə) Qalib gələn Allahın hüzurunda duracaqlar.
Bünyadov-Məmmədəliyev:
(Yadda saxla! Qiyamət günü) elə bir gündür ki, Yer (yer kürəsi) başqa bir yerlə, göylər də başqa göylərlə əvəz olunacaq (Yer dəyişib başqa cür yer, göylər də başqa cür göylər olacaq; onların mahiyyəti, şəkli o qədər dəyişəcək ki, tanınmaz hala düşəcəklər) və onlar (bütün insanlar qəbirlərindən çıxıb haqq-hesab üçün) bir olan, (hər şeyə) qalib olan Allahın hüzurunda duracaqlar!
Elmir Quliyev
:
В тот день земля будет заменена другой, равно как и небеса, и они предстанут перед Аллахом, Единственным, Могущественным.
Ələddin Sultanov:
O gün yer başqa bir yerlə, göylər də (başqa göylərlə) əvəz olunacaqdır. Onlar tək və hər şeyə qalib olan Allahın hüzurunda duracaqlar. (Yerin və göylərin başqa yer və göylərlə əvəz olunması barəsində təfsirçilər müxtəlif fikirlər irəli sürmüşlər. Bir rəvayətə görə yer üzü cəhənnəmə, göylər isə cənnətə çevriləcəkdir. İbn Abbasdan gələn başqa bir rəvayətə görə isə, yer və göylər olduğu kimi qalacaq, ancaq xüsusiyyətləri dəyişəcəkdir.)
Kerbelayi Malik ağa:
O gün yer üzü və səmalar başqa bir hala çevrilmiş olar. Onlar Vahid və Qəhhar olan Allahın hüzuruna çıxmış olarlar.
Ələsgər Musayev:
O gün ərz qeyri ərzlə əvəz olunacaq və
səmalar da. Vahid və Qəhir Allahın qarşısında dayanacaqlar!
A.Mehdiyev və D.Cəfərli:
Bu yerin başqa bir yerə çevriləcəyi (dağların məhv olacağı, dəryaların buxarlanacağı və yer üzünün tamamilə düz olacağı) və həmçinin göylərin (dəyişəcəyi) və hamının (bütün ölülərin hesab və cəza üçün) hər şeyə qalib tək Allahın hüzurunda zahir olacağı gündə!
Kövsər Tağıyev:
O gün yer başqa bir yerə, göylər də başqa göylərə çevrilər və insanlar bir və qəhhar (hər şeyin fövqündə yeganə hakim) olan Allahın hüzuruna çıxarlar.
M.Qənioğlu və T.Bilaloğlu:
O gün (barəsində xəbərdarlıq et ki,) o zaman yer başqa yerlə, göylər də başqa göylərlə əvəz olunacaq və onlar vahid, qüdrətli Allahın hüzurunda duracaqlar.
Sabirə Dünyamalıyeva:
O gün, Allahın, hər nəfsə öz qazandığının əvəzini verməsi üçün, yer üzü başqa bir yer üzüylə dəyişdiriləcək, göylər də [həmçinin].