Yunus Surəsi 49. Ayə - Bütün Tərcümələr
De ki: “Allahın istədiyi istisna olmaqla, mən özümə belə nə bir zərər, nə də bir xeyir verə bilərəm. Hər ümmətin bir əcəli vardır. Onların əcəli gəlib çatan zaman nə bir an geri qala bilər, nə də irəli keçə bilərlər”.
Əlixan Musayev:
De: “Allahın istədiyindən başqa, mən özümə nə bir zərər, nə də bir xeyir verməyə qadirəm. Hər ümmətin bir əcəli vardır. Onların əcəli gəldiyi zaman bircə saat belə nə yubanar, nə də qabağa keçə bilərlər”.
Bünyadov-Məmmədəliyev:
(Ya Rəsulum!) De: “Allahın istədiyindən başqa, mən özümə nə bir xeyir, nə də bir zərər verə bilərəm. Hər ümmətin (əzəldən müəyyən olunmuş) bir əcəl vaxtı (ömrünün sona çatma, məhv olma, tənəzzülə uğrama, əzaba, müsibətə düçar olma çağı) vardır. Onların əcəli gəlib çatdıqda (ondan) bircə saat belə nə geri qalar, nə də irəli keçərlər”.
Elmir Quliyev
:
Скажи: "Я не способен причинить себе зло или принести себе пользу, если того не пожелает Аллах. Для каждой общины установлен срок. Когда же наступает их срок, они не могут отдалить или приблизить его даже на час".
Ələddin Sultanov:
De ki: “Allahın istədiyi istisna olmaqla, mən özümə belə nə bir zərər, nə də bir xeyir verə bilərəm. Hər ümmətin bir əcəli vardır. Onların əcəli gəlib çatan zaman nə bir an geri qala bilər, nə də irəli keçə bilərlər”.
Kerbelayi Malik ağa:
De ki: ‘Allahın dilədiyi şey xaric, mən nəfsimə (özümə) bir fayda və ya bir zərər verməyə malik deyiləm. Hər ümmətin bir əcəli vardır. Onların əcəli gəldiyi zaman artıq bir saat təxir edilməz və önə alınmaz.’
Ələsgər Musayev:
De: «Mən nəfsim üçün zərərə və
mənfəətə malik deyiləm, ancaq nə ki, istəyə Allah». Külli
ümmət üçün əcəl var. Onda ki, onların əcəlləri gəlib çatdı, nə
bir saat təxirə salınar və nə də təqdim olunar.
A.Mehdiyev və D.Cəfərli:
De: «Mən hətta öz barəmdə Allahın istədiyindən başqa bir ziyan və mənfəət ixtiyarına malik deyiləm (o ki, qalmış sizin əzabınız, yaxud Qiyamətin gəlməsi ola)! Hər bir ümmət və dəstənin (Allahın əzəli elmində və Onun Lövhi-Məhfuzunda müəyyən bir) əcəli vardır ki, əcəlləri sona çatanda, bir saat olsun belə, gecikməzlər və əlbəttə, bir saat qabağa da keçməzlər.»
Kövsər Tağıyev:
De ki: “Allah diləmədikcə mən özümə belə nə bir zərər, nə də fayda vermək gücünə sahibəm. Hər millətin bir əcəli var. Onların əcəli gəldiyi zaman nə bir an geri qala bilərlər, nə də irəli keçə bilərlər”.
M.Qənioğlu və T.Bilaloğlu:
De: “Mən Allahın istədiyindən başqa özüm üçün nə bir zərərə, nə də bir xeyirə malikəm". Hər bir ümmətin öz əcəli [müəyyən edilmiş vaxtı] vardır. Əgər onların əcəli çatarsa, onlar nə bir saat yubadılar, nə də tələsdirilərlər.
Sabirə Dünyamalıyeva:
De ki: "Allahın dilədiyinin xaricində özüm üçün bir zərərə və bir faydaya mənim gücüm çatmaz." Başçısı olan hər tayfa üçün bir möhlət vardır. Onların möhlətlərinin axırı gəldikdə, artıq nə bir an təxirə sala bilər, nə də tezləşdirə bilərlər.