Nisa Surəsi 73. Ayə - Bütün Tərcümələr
Əgər Allahdan sizə bir lütf (zəfər) yetişərsə, sanki sizinlə onun arasında heç bir yaxınlıq yoxmuş kimi belə deyər: “Kaş mən də onlarla birlikdə olub böyük bir uğur qazanaydım!”
Əlixan Musayev:
Əgər Allahdan sizə bir lütf yetişərsə, onda guya sizinlə onun arasında heç vaxt bağlılıq olmamış kimi: “Kaş mən də onlarla birlikdə olub böyük bir uğur qazanaydım!”– deyər.
Bünyadov-Məmmədəliyev:
Əgər Allah tərəfindən sizə bir nemət (qabiliyyət) yetişərsə, o zaman guya aranızda heç bir dostluq yoxmuş kimi: “Kaş ki, mən də onlarla birlikdə olub böyük bir qənimət əldə edəydim!” (söyləyərlər).
Elmir Quliyev
:
Если же вас постигнет милость от Аллаха, то он непременно скажет, словно между ним и вами никогда не было никакой дружбы: "Вот если бы я был вместе с ними и добился великого успеха!"
Ələddin Sultanov:
Əgər Allahdan sizə bir lütf (zəfər) yetişərsə, sanki sizinlə onun arasında heç bir yaxınlıq yoxmuş kimi belə deyər: “Kaş mən də onlarla birlikdə olub böyük bir uğur qazanaydım!”
Kerbelayi Malik ağa:
Əgər həqiqətən Allahdan sizə bir fəzl (zəfər) gələrsə, sanki sizinlə onun arasında bir tanışlıq olmamış kimi mütləq: ‘Kaş ki, mən də onlarla birlikdə olsaydım, beləcə böyük bir fevz (uğur, qənimət) qazansaydım.’ deyər.
Ələsgər Musayev:
Və əgər isbat edə
sizə fəzl Allahdan,deyər sizin və onun arasında məhəbbət
yoxmuş kimi: «Ay kaş, mən olsaydım onlarla və uğur
qazanaydım uğur əzəmətli».
A.Mehdiyev və D.Cəfərli:
Və əgər sizə Allah tərəfindən (qələbə və qənimət kimi) bir lütf və mərhəmət gəlsə, o, sizinlə onun arasında əsla bir dostluq və məhəbbət olmamış (və sizinlə birgə döyüşdə iştirak edə bilməzmiş) kimi deyər: «Kaş mən də onlarla birgə olub böyük bir feyzə nail olaydım!»
Kövsər Tağıyev:
Əgər Allahdan sizə bir lütf (zəfər) nəsib olarsa, bu dəfə də sizinlə öz arasında heç tanışlıq yox imiş kimi belə deyər: “Kaş ki, mən də onlarla birlikdə olaydım ki, böyük bir uğur (qənimət) əldə edəydim”.
M.Qənioğlu və T.Bilaloğlu:
Onlar, əgər Allahdan sizə bir nemət [qələbə, qənimət] gələrsə, sanki o zaman aranızda guya heç bir münasibət olmamış kimi deyərlər “Ah, kaş mən də onlarla olub, böyük bir uğur qazanaydım!”
Sabirə Dünyamalıyeva:
Və əgər sizə Allahdan bir nemət yetişsə, həqiqətən, sanki sizinlə özü arasında heç məhəbbət yox imiş kimi: "Ah, nə olardı, onlarla birlikdə olaydım və çox böyük bir müvəffəqiyyət əldə edəydim!" deyəcək.