Hud Surəsi 84. Ayə - Bütün Tərcümələr
Mədyənə də qardaşları Şüeybi (peyğəmbər göndərdik). O demişdi: “Ey qövmüm, Allaha ibadət edin! Sizin Ondan başqa heç bir ilahınız yoxdur. Ölçünü və çəkini əskiltməyin! Mən sizin rifah içində yaşadığınızı görürəm və sizi bürüyəcək bir günün əzabından qorxuram.
Əlixan Musayev:
Mədyən qövmünə də qardaşları Şueybi (göndərdik). O dedi: “Ey qövmüm! Allaha ibadət edin. Sizin Ondan başqa ilahınız yoxdur. Ölçünü və çəkini əskiltməyin. Mən sizi bolluq içində görürəm və qorxuram ki, başınıza (hər şeyi) bürüyən günün əzabı gələ.
Bünyadov-Məmmədəliyev:
Mədyən əhlinə də qardaşları Şüeybi (peyğəmbər göndərdik). O dedi: “Ey qövmüm! Allaha ibadət edin. Sizin Ondan başqa heç bir tanrınız yoxdur. Ölçünü və çəkini əskiltməyin. Mən sizi xeyir-bərəkət içində (firavan yaşamaqda) görürəm. Bununla belə (Allahın hökmlərinə riayət etməyəcəyiniz təqdirdə) sizi (hər tərəfdən) bürüyəcək bir günün əzabından qorxuram!
Elmir Quliyev
:
Мы отправили к мадьянитам их брата Шуейба. Он сказал: "О мой народ! Поклоняйтесь Аллаху, ибо нет у вас иного божества, кроме Него. Не обмеривайте и не обвешивайте. Я вижу, как вы благоденствуете, и боюсь, что вас постигнут мучения в Объемлющий день.
Ələddin Sultanov:
Mədyənə də qardaşları Şüeybi (peyğəmbər göndərdik). O demişdi: “Ey qövmüm, Allaha ibadət edin! Sizin Ondan başqa heç bir ilahınız yoxdur. Ölçünü və çəkini əskiltməyin! Mən sizin rifah içində yaşadığınızı görürəm və sizi bürüyəcək bir günün əzabından qorxuram.
Kerbelayi Malik ağa:
Mədyən qövmünə onların qardaşı Şuayb belə dedi: ‘Ey qövmüm, Allaha qul olun! Sizin üçün ondan başqa ilah yoxdur. Ölçü və çəkini əksiltməyin. Həqiqətən mən sizi xeyirdə (bolluq, rifah içində) görürəm. Şübhəsiz ki, mən sizi əhatə edən əzablı günün üzərinizə olmasından qorxuram.’
Ələsgər Musayev:
Və Mədyənə tərəf qardaşları Şuəybi. Dedi:
«Ay qoumum! Allaha ibadət edin! Sizin Ondan qeyri Ilahiniz
yoxdur. Ölçü və mizanda kəsməyin. Mən sizi xeyir içində
görürəm və mən qorxuram sizi əhatə edəcək əzab günündən.
A.Mehdiyev və D.Cəfərli:
Və Mədyən (camaatına) onların (qan və ya qəbilə) qardaşları Şüeybi (göndərdik). O dedi: «Ey mənim qövmüm, tək olan Allaha ibadət edin ki, sizin üçün Ondan başqa bir tanrı yoxdur. Ölçünü və çəkini əskiltməyin. Doğrudan da mən sizi xoşluq (və nemət bolluğu) içərisində görürəm və mən sizin üçün (malları əskik verdiyinizə görə) hər şeyi əhatə edən və həlakət gətirən günün əzabından qorxuram».
Kövsər Tağıyev:
Mədyən xalqına da qardaşları Şüeybi peyğəmbər göndərdik. O, belə dedi: “Ey qövmüm! Allaha qulluq edin. Sizin ondan başqa heç bir ilahınız yoxdur. Ölçünü və çəkini azaltmayın. Mən sizi bolluq içində görürəm. Mən sizin adınıza (hamınızı) bürüyəcək bir günün əzabından qorxuram”.
M.Qənioğlu və T.Bilaloğlu:
Mədyən (tayfasına) qardaşları Şüeybi (göndərdik). O dedi: "Ey camaatım, Allaha ibadət edin! Sizin üçün Ondan başqa bir tanrı yoxdur. Ölçüdə və çəkidə kəsməyin! Sizi bolluq içərisində görürəm, mən həm də (hər tərəfinizi) bürüyəcək günün əzabından sizin üçün qorxuram.
Sabirə Dünyamalıyeva:
Mədyən [xalqına] da qardaşları Şüeybi elçi göndərdik. Şüeyb dedi: "Ey qövmüm! Allaha ibadət edin. Sizin üçün Ondan başqa məbud yoxdur. Ölçünü və tərəzini əskik tutmayın. Şübhəsiz ki, mən sizi xeyir ilə görürəm. Və mən, əhatə edəcək bir günün əzabından sizin üçün qorxuram.