Əhqaf Surəsi 9. Ayə - Bütün Tərcümələr
De: “İlk peyğəmbər mən deyiləm. Onun (Allahın) mənə və sizə nə edəcəyini də bilmirəm. Mən yalnız mənə gələn vəhyə tabe oluram. Mən yalnız açıq-aşkar xəbərdarlıq edən bir peyğəmbərəm”.
Əlixan Musayev:
De: “Mən peyğəmbərlərin birincisi deyiləm. Mənə və sizə nə üz verəcəyini də bilmirəm. Mən sadəcə mənə vəhy olunana tabe oluram. Mən yalnız açıq-aşkar xəbərdar edənəm!”
Bünyadov-Məmmədəliyev:
De: “Mən peyğəmbərlərin birincisi deyiləm. (Rəbbimin) mənimlə və sizinlə nə edəcəyini bilmirəm (başqa peyğəmbərlər kimi şəhid olacağımı, ölkəmdən qovulacağımı, yaxud küfrə davam etdiyiniz təqdirdə sizə nə cəza veriləcəyini, hansı fəlakətlərə uğrayacağınızı deyə bilmərəm, çünki qeybi ancaq Allah bilir). Mən yalnız mənə vəhy olunana tabe oluram. Mən ancaq (sizi Allahın əzabı ilə) açıq-aşkar qorxudan bir peyğəmbərəm!”
Elmir Quliyev
:
Скажи: "Я не являюсь первым из посланников и не знаю, что произойдет со мной и с вами. Я следую только тому, что внушается мне в откровении. Я — всего лишь разъясняющий и предостерегающий увещеватель".
Ələddin Sultanov:
De: “İlk peyğəmbər mən deyiləm. Onun (Allahın) mənə və sizə nə edəcəyini də bilmirəm. Mən yalnız mənə gələn vəhyə tabe oluram. Mən yalnız açıq-aşkar xəbərdarlıq edən bir peyğəmbərəm”.
Kerbelayi Malik ağa:
‘Mən digər rəsullardan fərqli bir (bidət) ortaya çıxartmış birisi deyiləm.’ de. Mənə və sizə nə ediləcəyini bilmərəm. Mən yalnız vəhy edilənə tabe oluram. Mən ancaq açıq-aşkar bir nəzirəm.
Ələsgər Musayev:
De: «Mən yeni deyiləm rəsullardan və mən bilmirəm ki,
mənimlə sizin işiniz nə olacaqdır. Mən ancaq tabe oluram nə ki,
vəhy olunur mənə və mən ancaq nəzərə çatdıranam aşkar!»
A.Mehdiyev və D.Cəfərli:
De: «Mən (Allahın) elçilərin(in) içərisindən (peyğəmbərlik, kitab və möcüzə iddiası edən) birinci (adam) deyiləm və (gələcəkdə dünya və axirət işlərində) mənimlə və sizinlə nə ediləcəyini bilmirəm. Mən yalnız mənə vəhy edilənə tabeyəm və yalnız aşkar qorxudanam.»
Kövsər Tağıyev:
De ki: “Mən törəmə bir peyğəmbər deyiləm. Mənə və sizə nə olacağını da bilmirəm. Mən sadəcə mənə vəhy olunana tabe oluram. Mən sadəcə açıq-aşkar bir xəbərdar edənəm”.
M.Qənioğlu və T.Bilaloğlu:
De: "Mən peyğəmbərlərdən ilki deyiləm. Mənə və sizə nə üz verəcəyini də bilmirəm. Mən ancaq mənə vəhy olunanın ardınca gedirəm və mən aşkar bir öyüd-nəsihətçidən başqa bir kimsə deyiləm."
Sabirə Dünyamalıyeva:
De ki: "Mən elçilərin ilki deyiləm. Və mən, mənə və sizə nə olacağını bilmirəm. Mən yalnız mənə Vəhy edilənə tabe oluram. Və mən yalnız açıq-aşkar xəbərdarlıq edən biriyəm."