Təhrim Surəsi 11. Ayə - Bütün Tərcümələr
Allah iman gətirənlər üçün də Fironun zövcəsini misal çəkdi. Bir zaman o: “Ey Rəbbim! Mənim üçün Öz dərgahında - cənnətdə bir ev inşa et! Məni Firondan və onun əməlindən xilas et! Məni zalım qövmdən xilas et!” - demişdi.
Əlixan Musayev:
Allah iman gətirənlərə isə Fironun zövcəsini misal çəkdi. O zaman o: “Ey Rəbbim! Mənə Öz yanında – Cənnətdə bir ev tik. Məni Firondan və onun əməlindən xilas et. Məni zalım adamlardan qurtar!”– demişdi.
Bünyadov-Məmmədəliyev:
Allah iman gətirənlərə isə Fironun zövcəsini (Asiyə bint Məzahimi) misal çəkdi. O zaman o: “Ey Rəbbim! Mənim üçün Öz dərgahında – Cənnətdə bir ev tik. Məni Firondan və onun əməlindən qurtar. Məni zalım qövmdən xilas et!” – demişdi.
Elmir Quliyev
:
А в качестве примера о верующих Аллах привел жену Фараона. Вот она сказала: "Господи, возведи для меня дом в Раю возле Тебя! Спаси меня от Фараона и его деяний и спаси меня от несправедливых людей!"
Ələddin Sultanov:
Allah iman gətirənlər üçün də Fironun zövcəsini misal çəkdi. Bir zaman o: “Ey Rəbbim! Mənim üçün Öz dərgahında - cənnətdə bir ev inşa et! Məni Firondan və onun əməlindən xilas et! Məni zalım qövmdən xilas et!” - demişdi.
Kerbelayi Malik ağa:
Allah amənu olanlara Fironun zövcəsini örnək verdi: ‘Rəbbim, Sənin dərgahında cənnətdə mənim üçün bir ev tik. Məni Firondan və onun etdiklərindən qurtar. Zalımlar qövmündən məni xilas et.’ demişdi.
Ələsgər Musayev:
Allah zərbə vurur məsəl o kəslər
üçün ki, inandılar, arvadını Firaunun! Onda dedi: «Rəbbim!
Bina et mənim üçün ev Öz yanında cənnətdə və nicat ver mənə
Firaundan və onun əməlindən və nicat ver mənə zalim
qoumdan!»
A.Mehdiyev və D.Cəfərli:
Və Allah iman gətirən kəslər üçün Fironun zövcəsini məsəl çəkdi; o zaman o demişdi: «Ey Rəbbim, mənim üçün Öz yanında (Öz cəlal və rəhmətinin yaxınlığında) – Cənnətdə – bir ev tik! Mənə Firondan və onun əməlindən nicat ver, məni zalım qövmdən (onun sarayındakılardan və millətindən) qurtar!»
Kövsər Tağıyev:
Allah iman edənlərə isə Fironun arvadını misal çəkdi. Bir vaxt o: “Rəbbim! Mənə qatında, cənnətdə bir ev tik. Məni Firondan və onun etdiyi işlərdən qoru və məni zalımlar qövmündən xilas et!” – demişdi.
M.Qənioğlu və T.Bilaloğlu:
Allah iman gətirənlərə isə Fironun zövcəsini bir məsəl kimi çəkir. O zaman o [qadın] dedi: "Rəbbim, Öz dərgahında - cənnətdə mənim üçün bir ev tik. Məni Firondan və onun əməlindən xilas et, məni haqsız tayfadan xilas et!"
Sabirə Dünyamalıyeva:
Allah, inanan kəslərə də Fironun zövcəsini misal çəkdi. Bir zaman o, "Ey Rəbbim! Mənə Öz yanında cənnətin içində bir ev tik, məni Firondan və onun əməlindən qurtar. Və məni bu şirk qoşaraq səhv; öz zərərinə olan əməli işləyən qövmdən xilas et!" demişdi.