Tövbə Surəsi 113. Ayə - Bütün Tərcümələr
Müşriklərin cəhənnəmlik olduqları bəlli olduqdan sonra, qohum olsalar belə, onlar üçün bağışlanma diləmək Peyğəmbərə və möminlərə yaraşmaz. (Rəvayətə görə, Həzrət Peyğəmbər əmisi Əbu Talibin bağışlanması üçün Allaha dua etmiş, buna görə də yuxarıdakı ayə nazil olmuşdur.)
Əlixan Musayev:
Müşriklərin Cəhənnəm sakinləri olduqları onlara bəlli olduqdan sonra, qohum olsalar belə, Peyğəmbərə və möminlərə onlar üçün bağışlanma diləmək yaraşmaz.
Bünyadov-Məmmədəliyev:
Müşriklərin cəhənnəmlik olduqları (müsəlmanlara) bəlli olduqdan sonra onlarla qohum olsalar belə, Peyğəmbərə və iman gətirənlərə onlar üçün bağışlanma diləmək yaraşmaz!
Elmir Quliyev
:
Пророку и верующим не подобает просить прощения для многобожников, даже если они являются родственниками, после того, как им стало ясно, что они будут обитателями Ада.
Ələddin Sultanov:
Müşriklərin cəhənnəmlik olduqları bəlli olduqdan sonra, qohum olsalar belə, onlar üçün bağışlanma diləmək Peyğəmbərə və möminlərə yaraşmaz. (Rəvayətə görə, Həzrət Peyğəmbər əmisi Əbu Talibin bağışlanması üçün Allaha dua etmiş, buna görə də yuxarıdakı ayə nazil olmuşdur.)
Kerbelayi Malik ağa:
Bir nəbinin və amənu olan kəslərin müşriklər üçün cəhənnəm əhli olduqları onlara açıqca bəlli olduqdan sonra yaxınları belə olsa, məğfirət diləmələri olmaz (uyğun deyil).
Ələsgər Musayev:
Olmadı nəbi və o kəslər üçün ki, inandılar, bağışlanmaq
istəyələr müşriklər üçün, əgər oldular yaxınlar – ondan sonra
ki, bəyan oldu onlar üçün ki, onlar əshabıdırlar cəhənnəmin.
A.Mehdiyev və D.Cəfərli:
Peyğəmbərə və iman gətirənlərə müşriklərin Cəhənnəm əhli olduqları onlara bəlli olduqdan sonra onlar üçün, hətta qohumları(ndan) olsalar belə, bağışlanma istəmək yaraşmaz (və bu, şəriət baxımından caiz və ağıl baxımından düzgün olmaz).
Kövsər Tağıyev:
Cəhənnəm əhli olduqları açıq-aydın özlərinə bəlli olduqdan sonra – yaxınları olsalar belə – Allaha şərik qoşanlar üçün məğfirət diləmək nə Peyğəmbərə yaraşar, nə də möminlərə.
M.Qənioğlu və T.Bilaloğlu:
Müşriklərin cəhənnəmlik olduqları bəlli olduqdan sonra, yaxın qohum olsalar belə, onlar üçün bağışlama diləmək peyğəmbərə və möminlərə yaraşmaz.
Sabirə Dünyamalıyeva:
Peyğəmbər və iman edən kəslər üçün, qohumları belə olsa, cəhənnəm əhli olduqları yaxşıca bəlli olduğu təqdirdə, şərik qoşanlar barəsində bağışlanma diləmək yoxdur [yaraşmaz].