Səff Surəsi 14. Ayə - Bütün Tərcümələr
Ey iman gətirənlər, Allahın yardımçıları olun! Necə ki, Məryəm oğlu İsa həvarilərə: “Allah yolunda mənim yardımçılarım kimlərdir?” - demişdi. Həvarilər də: “Allahın yardımçıları bizik!” - demişdilər. İsrail oğullarından bir tayfa (İsaya) iman gətirdi, bir tayfa isə onu inkar etdi. Biz də iman gətirənləri düşmənlərinə qarşı dəstəklədik və onlar qalib gəldilər.
يَا أَيُّهَا الَّذِينَ آَمَنُوا كُونوا أَنصَارَ اللَّهِ كَمَا قَالَ عِيسَى ابْنُ مَرْيَمَ لِلْحَوَارِيِّينَ مَنْ أَنصَارِي إِلَى اللَّهِ قَالَ الْحَوَارِيُّونَ نَحْنُ أَنصَارُ اللَّهِ فَآَمَنَت طَّائِفَةٌ مِّن بَنِي إِسْرَائِيلَ وَكَفَرَت طَّائِفَةٌ فَأَيَّدْنَا الَّذِينَ آَمَنُوا عَلَى عَدُوِّهِمْ فَأَصْبَحُوا ظَاهِرِينَ
Əlixan Musayev:
Ey iman gətirənlər! Allahın köməkçiləri olun. Necə ki, Məryəm oğlu İsa həvarilərə: “Allah yolunda kimlər mənə köməkçi olacaq?”– demiş, həvarilər də: “Bizik Allahın köməkçiləri!”– demişdilər. İsrail oğullarından bir zümrə iman gətirdi, digər bir zümrə isə kafir oldu. Biz də iman gətirənləri düşmənlərinə qarşı qüvvətləndirdik və onlar üstün gəldilər.
Bünyadov-Məmmədəliyev:
Ey iman gətirənlər! Allahın (dininin və peyğəmbərinin) köməkçiləri olun! Necə ki, Məryəm oğlu İsa həvarilərə: “Allah yolunda mənim köməkçilərim kimdir?” – demiş, həvarilər də: “Allahın köməkçiləri bizik!” – deyə cavab vermişdilər. Nəhayət, İsrail oğullarından bir tayfa iman gətirdi, bir tayfa isə kafir oldu. Biz də iman gətirənləri düşmənlərinə qarşı qüvvətləndirdik və onlar qələbə çaldılar.
Elmir Quliyev
:
О те, которые уверовали! Будьте помощниками Аллаха. Иса (Иисус), сын Марьям (Марии), сказал апостолам: "Кто будет моим помощником на пути к Аллаху?" Апостолы ответили: "Мы — помощники Аллаха". Часть сынов Исраила (Израиля) уверовала, а другая часть не уверовала. Мы поддержали тех, которые уверовали, в борьбе с их врагами, и они вышли победителями.
Ələddin Sultanov:
Ey iman gətirənlər, Allahın yardımçıları olun! Necə ki, Məryəm oğlu İsa həvarilərə: “Allah yolunda mənim yardımçılarım kimlərdir?” - demişdi. Həvarilər də: “Allahın yardımçıları bizik!” - demişdilər. İsrail oğullarından bir tayfa (İsaya) iman gətirdi, bir tayfa isə onu inkar etdi. Biz də iman gətirənləri düşmənlərinə qarşı dəstəklədik və onlar qalib gəldilər.
Kerbelayi Malik ağa:
Ey amənu olanlar! Allahın yardımçıları olun! Məryəm oğlu İsa (ə.s)in həvarilərə: ‘Kim Allah üçün mənim yardımçılarım olar?’ dediyi zaman həvarilərin: ‘Biz Allahın yardımçılarıyıq.’ dediyi kimi. Bunun üzərinə İsrail oğullarından bir qrup iman etdi, bir qrup inkar etdi. O zaman iman edənləri düşmənlərinə qarşı qüvvətləndirdik. Beləcə onlar üstün gəldilər.
Ələsgər Musayev:
Ay o
kəslər ki, inanırsınız! Allahın yardımçıları olun. Nə qədər ki,
Isa Məryəm oğlu havarilərə dedi: «Allaha tərəf kim mənə
yardım edər?» Havarilər dedi: «Biz Allahın yardımçılarıyıq!»
Inandı bir tayfa Israil oğullarından və bir tayfa kafir oldu. Biz
möhkəmlətdik o kəsləri ki, inandılar, onların düşmənlərinin
üzərində və onlar zahirən qalib oldular.
A.Mehdiyev və D.Cəfərli:
Ey iman gətirənlər, Allahın köməkçiləri olun! Necə ki, Məryəm oğlu İsa Həvarilərə (qəlbləri işıqlı, ağ paltarlı öz etibarlı şagirdlərinə) dedi: «Allah yolunda mənim köməkçilərim kimdir?» Həvarilər dedilər: «Bizik Allahın köməkçiləri». Amma İsrail övladlarından bir dəstə iman gətirdi və bir dəstə kafir oldu. Biz də iman gətirənlərə düşmənləri üzərində (dəlil-sübutda və döyüş qüvvəsində üstün etməklə) kömək etdik, beləliklə də onlar qalib gəldilər.
Kövsər Tağıyev:
Ey iman edənlər! Allahın yardımçıları olun. Necə ki Məryəm oğlu İsa da həvarilərə: “Allaha gedən yolda mənim yardımçılarım kimdir?” – demişdi. Həvarilər isə: “Biz Allahın yardımçılarıyıq”, – demişdilər. Bundan sonra İsrail oğullarından bir qismi inanmış, bir qismi də inkar etmişdi. Nəhayət, biz inananları düşmənlərinə qarşı dəstəklədik. Beləliklə, üstün gəldilər.
M.Qənioğlu və T.Bilaloğlu:
Ey iman gətirənlər, Allahın (dininin) yardımçıları olun! necə ki, Məryəm oğlu İsa həvarilərinə: "Allah yolunda yardımçılarım kimdir?“ - demişdi; həvarilər də: "Bizik Allahın (dininin) yardımçıları!" - demişdilər. İsrail övladlarından bir dəstə iman gətirdi, o biri dəstə isə küfr etdi. Biz də iman gətirənləri öz düşmənlərinə qarşı dəstəklədik və onlar müzəffər oldular.
Sabirə Dünyamalıyeva:
Ey iman etmiş kəslər! Allahın köməkçiləri olun; Necə ki, Məryəm oğlu İsa həvarilərə: "Allah üçün mənim köməkçilərim kimdir?" demişdi. Həvarilər: "Allahın köməkçiləri bizik" dedilər. Sonra İsrail oğullarından bir tayfa iman gətirdi, bir tayfa iman gətirmədi. Sonra da Biz, inanmış kəsləri, düşmənlərinə qarşı qüvvətləndirdik və onlar qalib gəldilər.