Həcc Surəsi 15. Ayə - Bütün Tərcümələr
Hər kim Allahın Öz peyğəmbərinə dünya və axirətdə yardım etməyəcəyini zənn edirsə, bir vasitə ilə göyə çıxsın və (Peyğəmbərə gələn vəhyi) kəssin. İndi baxsın görək onun hiyləsi qəzəbinə səbəb olanı (vəhyi) ortadan qaldıra biləcəkmi?!
Əlixan Musayev:
Kim ki, dünyada və axirətdə Allahın( Peyğəmbərinə) kömək göstərməyəcəyi gümanındadırsa, qoy yuxarıya (evinin tavanına) bir ip salıb (boynuna keçirsin), sonra da (ayağını yerdən) üzsün və görsün ki, onun bu hiyləsi, qəzəbinə səbəb olduğu (Allahın bu köməyinə) mane ola bilərmi.
Bünyadov-Məmmədəliyev:
Hər kim Allahın dünyada və axirətdə ona (Öz Peyğəmbərinə) kömək göstərməyəcəyini zənn edirsə, qoy göyə (evinin tavanına) bir ip uzatsın, sonra da (ipi boğazına salıb) kəssin (özünü ondan assın) və görsün ki, onun bu hiyləsi qəzəbinə səbəb olan şeyi (Allahın peyğəmbərə göstərəcəyi yardımı) aradan qaldıra bilərmi? (Əlbəttə, qaldıra bilməz! Allahın öz peyğəmbərinə yardım etməsini istəməyənlər, qəzəblərindən özlərini assalar da, partlayıb çatlasalar da, Allah ona dünyada zəfər, axirətdə isə yüksək məqamlar nəsib edəcəkdir).
Elmir Quliyev
:
Кто полагает, что Аллах не окажет ему (Мухаммаду) помощи в этом мире и в Последней жизни, пусть подвяжет веревку к небу (или потолку), а затем перережет ее и посмотрит, устранит ли его хитрость то, что вызывает его ярость.
Ələddin Sultanov:
Hər kim Allahın Öz peyğəmbərinə dünya və axirətdə yardım etməyəcəyini zənn edirsə, bir vasitə ilə göyə çıxsın və (Peyğəmbərə gələn vəhyi) kəssin. İndi baxsın görək onun hiyləsi qəzəbinə səbəb olanı (vəhyi) ortadan qaldıra biləcəkmi?!
Kerbelayi Malik ağa:
Kim Allahın ona dünyada və axirətdə əsla kömək etməyəcəyini güman edirsə, o zaman səmaya bir vasitə uzatsın. Sonra da o vasitəni kəssin. O təqdirdə baxsın, onun hiyləsi qəzəbləndiyi şeyi (başına gələn müsibəti) aradan qaldırarmı?
Ələsgər Musayev:
Kim
zənn edirsə ki, Allah ona yardım etməz dünyada və axirətdə,
qoy səmaya ip uzatsın və sonra kəssin onu və qoy nəzər salsın
ki, aradan apara bilərmi onun bu fəndi qəzəbinə səbəb olanı?
A.Mehdiyev və D.Cəfərli:
(Məkkə müşriklərindən) kim Allahın ona (Muhəmmədə) dünya və axirətə əsla kömək etməyəcəyini güman edirdisə (amma indi Allahın ona yardım etməsini görürsə) [yaxud: kim özü barəsində Allahın dünya və axirətdə ona kömək etməyəcəyini güman etsə və haqqın mərhəmətinə naümid olsa] tavana bir kəndir uzatsın, sonra (özünü) boğazdan assın. O zaman baxsın ki, bu hiylə onun qəzəb və qeyzini aradan qaldırır?
Kövsər Tağıyev:
Hər kim Allahın ona (Muhammədə) dünyada və axirətdə əsla yardım etməyəcəyini zənn edirsə, tavana bir ip çəksin, sonra özünü assın, görsün onun hiyləsi qəzəbləndiyi şeyi aradan qaldıracaqmı?
M.Qənioğlu və T.Bilaloğlu:
Kim elə zənn edirsə ki, Allah bu dünyada və axirətdə ona [Məhəmmədə] yardım etməyəcəkdir, qoy səmaya [tavana] bir ip salıb (boynuna keçirsin), sonra (ayağını yerdən) üzsün və onda görsün ki, onun bu məkrli tədbiri öz qəzəbinə səbəb olan şeyi [Allahın Məhəmmədə yardımını] yox edə biləcəkmi?
Sabirə Dünyamalıyeva:
Hər kim Allahın, dünyada və axirətdə ona kömək etməyəcəyini zənn edirsə, dərhal səmimiyyətlə Bizə yönəlsin, bir də, Allahın altındakılardan, ona ziyan və fayda verə bilməyəcək o şeylərlə əlaqəsini kəssin. Sonra da baxıb görsün bu planı, onu qəzəbləndirən şeyi/zehninə yerləşən fikri aradan qaldıracaqmı?