Əraf Surəsi 158. Ayə - Bütün Tərcümələr
De: “Ey insanlar! Həqiqətən, mən göylərin və yerin hakimi olan Allah tərəfindən sizin hamınıza göndərilən peyğəmbəriyəm. Ondan başqa heç bir ilah yoxdur. O dirildir və öldürür. Elə isə, həm Allaha, həm də Allaha və Onun sözlərinə iman gətirən ümmi peyğəmbər olan rəsuluna iman gətirin! Ona tabe olun ki, bəlkə siz doğru yolu tapa biləsiniz!”
Əlixan Musayev:
De: “Ey insanlar! Şübhəsiz ki, mən sizin hamınız üçün Allahın elçisiyəm. Göylərin və yerin hökmranlığı Ona məxsusdur, Ondan başqa ilah yoxdur. O həm dirildir, həm də öldürür. Elə isə Allaha və Onun Elçisinə – yazıb-oxumaq bilməyən, həm də Allaha və Onun kəlmələrinə inanan peyğəmbərə iman gətirin. Onun ardınca gedin ki, bəlkə doğru yola yönələsiniz”.
Bünyadov-Məmmədəliyev:
(Ya Rəsulum!) De: “Ey insanlar! Mən Allahın sizin hamınıza göndərilmiş peyğəmbəriyəm. (O Allah ki) göylərin və yerin hökmü Onundur, Ondan başqa heç bir tanrı yoxdur. O dirildir və öldürür. Buna görə də Allah, eləcə də Onun Allaha və Allahın sözlərinə (ayələrinə, nazil etdiyi kitablara) inanan və ümmi peyğəmbər olan Rəsuluna iman gətirin və ona tabe olun ki, doğru yolu tapa biləsiniz!”
Elmir Quliyev
:
Скажи: "О люди! Я — Посланник Аллаха ко всем вам. Ему принадлежит власть над небесами и землей. Нет божества, кроме Него. Он воскрешает и умерщвляет. Уверуйте же в Аллаха и в Его Посланника, неграмотного (не умеющего читать и писать) Пророка, который уверовал в Аллаха и Его Слова. Последуйте за ним, дабы вы последовали прямым путем".
Ələddin Sultanov:
De: “Ey insanlar! Həqiqətən, mən göylərin və yerin hakimi olan Allah tərəfindən sizin hamınıza göndərilən peyğəmbəriyəm. Ondan başqa heç bir ilah yoxdur. O dirildir və öldürür. Elə isə, həm Allaha, həm də Allaha və Onun sözlərinə iman gətirən ümmi peyğəmbər olan rəsuluna iman gətirin! Ona tabe olun ki, bəlkə siz doğru yolu tapa biləsiniz!”
Kerbelayi Malik ağa:
De ki: ‘Ey insanlar! Şübhəsiz ki, mən sizin hamınıza (göndərilən) Allahın Rəsuluyam. O ki, səmaların və yerin mülkü Onundur. Ondan başqa ilah yoxdur. O, həyat verər və öldürər. Elə isə Allaha və Onun ümmi, nəbi, Rəsuluna iman edin ki, O, Allaha və Onun kəlmələrinə (sözlərinə) inanar (iman edər). Ona tabe olun ki, beləcə siz hidayətə ərərsiniz.’
Ələsgər Musayev:
De: «Ay insanlar! Mən rəsuluyam Allahın sizə cəmiyyən. Odur ki, Onun üçündür səmaların və ərzin mülkü. Yoxdur Ilahi, ancaq Odur. O dirildir və öldürür. Inanın Allah ilə və Onun rəsulu ilə – sadə bir nəbi ilə - odur ki, inanır Allah ilə və Onun kəlmələri ilə. Tabe olun ona, ola ki, hidayət olunasınız!»
A.Mehdiyev və D.Cəfərli:
De: «Ey insanlar, həqiqətən mən Allahın sizin hamınıza (xitab olunan zamanın varlıqlarından tutmuş bəşəriyyətin nəsli kəsilənədək olacaq bütün insanlara) göndərilmiş Peyğəmbəriyəm. O Allahın ki, göylərin və yerin həqiqi sahib və hakimidir (çünki onların yaradılışı, qorunması, idarə olunması və məhvi, bunların hamısı Onun iradəsinə tabedir). Ondan başqa bir məbud yoxdur, dirildir və öldürür (yaşamaq və ölmək qabiliyyəti olan hər bir şeyi O dirildir və öldürür). Odur ki, Allaha və Onun elçisinə - (Qur’andakı və əvvəlki səmavi kitablardakı) kəlamlarına imanı olan bu ümmi Peyğəmbərə iman gətirin və ona tabe olun, bəlkə hidayət olundunuz».
Kövsər Tağıyev:
(Ey Muhamməd!) De ki: “Ey insanlar! Şübhəsiz, mən göylərin və yerin hökmranlığı özünə aid olan Allahın hamınıza göndərdiyi peyğəmbəriyəm. Ondan başqa heç bir ilah yoxdur. O dirildər və öldürər. Elə isə Allaha və Onun sözlərinə inanan Rəsuluna, o ümmi peyğəmbərə iman edin və ona tabe olun ki, doğru yolu tapasınız”.
M.Qənioğlu və T.Bilaloğlu:
De: "Ey insanlar! Mən sizin hamınıza göylərin və yerin hökmünə sahib olan Allahın elçisiyəm. Ondan başqa bir tanrı yoxdur. O, dirildir də, öldürür də. İman gətirin Allaha və Onun elçisinə - o ümmi [yazıb oxuya bilməyən və ya məkkəli] peyğəmbərə ki, Allaha və Onun kəlamlarına inanır. Onun ardınca gedin ki, bəlkə düz yol tapasınız!"
Sabirə Dünyamalıyeva:
De ki: "Ey insanlar! Şübhəsiz mən, göylərin və yerin mülkü Özünə məxsus olan, Özündən başqa heç bir məbud olmayan, həm dirildən, həm öldürən Allahın, sizə, hamınıza göndərdiyi elçiyəm. Elə isə, yönləndirildiyiniz doğru yolu tapmaq üçün Allaha və Onun sözlərinə iman edin, Ümmi; Şəhərli; Məkkəli Peyğəmbər olan Elçisinə iman gətirin və ona tabe olun."