Rəd Surəsi 16. Ayə - Bütün Tərcümələr
De: “Göylərin və yerin Rəbbi kimdir?” De ki: “Allahdır!” De: “Elə isə, Onu qoyub özlərinə nə bir xeyir, nə də bir zərər verə bilənləri (bütləri) dost tutdunuz?!” De: “Heç kor ilə görən eyni olarmı? Yaxud qaranlıq ilə aydınlıq eyni olarmı? Yoxsa Allaha, Onun kimi yarada bilən şəriklər qoşdular və onların nəzərində bu yaratma bir-birinə oxşarmı göründü?!” De: “Allah hər şeyin xaliqidir. O birdir, hər şeyə gücü yetəndir”.
قُلْ مَن رَّبُّ السَّمَاوَاتِ وَالأَرْضِ قُلِ اللّهُ قُلْ أَفَاتَّخَذْتُم مِّن دُونِهِ أَوْلِيَاء لاَ يَمْلِكُونَ لِأَنفُسِهِمْ نَفْعًا وَلاَ ضَرًّا قُلْ هَلْ يَسْتَوِي الأَعْمَى وَالْبَصِيرُ أَمْ هَلْ تَسْتَوِي الظُّلُمَاتُ وَالنُّورُ أَمْ جَعَلُواْ لِلّهِ شُرَكَاء خَلَقُواْ كَخَلْقِهِ فَتَشَابَهَ الْخَلْقُ عَلَيْهِمْ قُلِ اللّهُ خَالِقُ كُلِّ شَيْءٍ وَهُوَ الْوَاحِدُ الْقَهَّارُ
Kul men rabbus semâvâti vel ard(ardı), kulillâh(kulillâhu), kul e fettehaztum min dûnihî evliyâe lâ yemlikûne li enfusihim nef’an ve lâ darrâ(darren), kul hel yestevil a’mâ vel basîru em hel testevîz zulumâtu ven nûr(nûru), em cealû lillâhi şurekâe halakû ke halkıhî fe teşâbehel halku aleyhim, kulillâhu hâliku kulli şey’in ve huvel vâhidul kahhâr(kahhâru).
Əlixan Musayev:
De: “Göylərin və yerin Rəbbi kimdir?” De: “Allahdır!” De: “Siz Onu qoyub özlərinə nə bir fayda, nə də bir zərər verməyə qadir olmayanlarımı özünüzə dost tutursunuz?” De: “Korla görən eyni ola bilərmi? Yaxud zülmətlə nur eyni ola bilərmi?” Yoxsa onlar Allaha, Onun yaratdığı kimi yaradan şəriklər tapdılar və (bu) yaradılış onlara bənzər göründü? De: “Hər şeyi yaradan Allahdır. O Təkdir, (hər şeyə) Qalib gələndir”.
Bünyadov-Məmmədəliyev:
(Ya Rəsulum!) De: “Göylərin və yerin Rəbbi kimdir?” (Kafirlər bu sualın qarşısında aciz qaldıqda) de: “Allahdır!” De: “Belə olduqda, Onu qoyub özlərinə nə bir xeyir, nə də bir zərər verə bilənlərimi (bütləri, tanrılarımı) özünüzə dost (hami) edirsiniz?!” De: “Heç korla görən (kafirlə mömin) və ya zülmətlə nur (küfrlə iman) eyni ola bilərmi?! Yoxsa onlar (müşriklər) Allaha Onun yaratdığı kimi yaradan şəriklər qərar verdilər və onların nəzərincə bu yaratma bir-birinə bənzər göründü?!” De: “Allah hər şeyin xaliqidir. O birdir, qəhr edəndir (hər şeyə gücü yetən, hər şeyə qalib gələndir!)”
Elmir Quliyev
:
Скажи: "Кто Господь небес и земли?" Скажи: "Аллах". Скажи: "Неужели вы взяли себе вместо Него покровителей и помощников, которые не властны принести пользу и вред даже самим себе?" Скажи: "Разве равны слепой и зрячий? Или же равны мраки и свет?" Или же они нашли сотоварищей Аллаха, которые творят так, как творит Аллах, и эти творения кажутся им схожими? Скажи: "Аллах — Творец всякой вещи. Он — Единственный, Всемогущий".
Ələddin Sultanov:
De: “Göylərin və yerin Rəbbi kimdir?” De ki: “Allahdır!” De: “Elə isə, Onu qoyub özlərinə nə bir xeyir, nə də bir zərər verə bilənləri (bütləri) dost tutdunuz?!” De: “Heç kor ilə görən eyni olarmı? Yaxud qaranlıq ilə aydınlıq eyni olarmı? Yoxsa Allaha, Onun kimi yarada bilən şəriklər qoşdular və onların nəzərində bu yaratma bir-birinə oxşarmı göründü?!” De: “Allah hər şeyin xaliqidir. O birdir, hər şeyə gücü yetəndir”.
Kerbelayi Malik ağa:
‘Səmaların və yer üzünün Rəbbi kimdir?’ de. ‘Allahdır’ de. Siz Ondan başqa özlərinə belə fayda və zərəri olmayan dostlarmı qəbul etdiniz? ‘Görən və görməyən bir olarmı? Və ya qaranlıqlar ilə nur bir olarmı?’ de. Yoxsa onlar Onun yaratdığı kimi yaradan ortaqlar qərar verdilər və beləcə bu yaratma onlara bənzərmi göründü? De ki: ‘Allah hər şeyin yaradıcısıdır.’ O, tək Qəhhar (qəhr edən), hər şeyə gücü çatan, ən qüvvətli olandır.
Ələsgər Musayev:
De: «Kimdir səmaların və ərzin Rəbbi?» De: «Allahdır!» De: «Ə, Ondan başqa özünüz üçün dost götürürsünüz ki, onlar özlərinə mənfəət və zərər sahibi deyillər?» De:«Bərabərdirmi kor və görən? Yoxsa bərabərdirmi zülmət və nur? Yoxsa etdilər Allah üçün şəriklər,onlar da xəlq etdilər O xəlq edən məxluqatın oxşarını?» De: «Allahdır külli şeyin xaliqi və O Vahiddir, Qahirdir!»
A.Mehdiyev və D.Cəfərli:
(Müşriklərə) de: «Göylərin və yerin Rəbbi kimdir?» (Sonra özün) de: «Allah!» (Çünki bundan başqa bir cavab yoxdur və onlar inadkarlıq üzündən susurlar. Və onların etiqadlarını inkar etmək və bunun ağıl baxımından qeyri-mümkün olduğunu çatdırmaq məqsədilə) de: «Belə isə, hətta özləri üçün (heç) bir xeyir və ziyan qüdrətinə malik olmayan, Ondan qeyrisini yardımçı və başçı götürmüsünüz?! De: «Məgər korla görən birdir? Yaxud zülmətlərlə nur bərabərdir?» Yoxsa Allaha Onun yaratdıqları kimi (bəzi şeylər) yaradan şəriklər qoşublar və (nəticədə bu) iki cür yaradılış, ya yaradılmışlar, ya yaradanlar (arasındakı oxşarlıq) onları çaş-baş salıb (və buna görə də şərikləri də ibadətə layiq biliblər)? De: «(Şübhəsiz) hər bir şeyin yaradanı Allahdır və Odur tək, (varlıq aləminin bütün hissəciklərinə) qalib və mütləq hakim!
Kövsər Tağıyev:
De ki: “Göylərin və yerin Rəbbi kimdir?” “Allahdır”, – de. De ki: “Onu buraxıb özlərinə (belə) bir faydası və zərəri olmayan dostlar (ilahlar) tutdunuz?” De ki: “Kor ilə görən bir olarmı? Ya da qaranlıqlarla aydınlıq bir olarmı? Yoxsa Allaha, Onun yaratdığı kimi yaradan şəriklər tapıblar və bu yaratma ilə Allahın yaratması onlara görə bir-birinəmi bənzəyib?” De ki: “Hər şeyin yaradıcısı Allahdır. O, birdir, mütləq hakimiyyət sahibidir”.
M.Qənioğlu və T.Bilaloğlu:
De: "Göylərin və yerin Rəbbi kimdir?" De: "Allah!" De: "Onda necə ola bilər ki, siz Onu qoyub özlərinə belə xeyir və ziyanları olmayan başqalarını özünüzə himayəçi götürürsünüz?" De: "Məgər korla görən eynidir? Yaxud zülmətlərlə işıq təndir? Yoxsa onlar Allaha Onun yaratdığı kimi yaradan şəriklərini tapdılar da bu yaradış da onlara bir-birinə bənzər göründü? De: “Hər şeyi xəlq edən Allahdır. O, vahiddir, qüdrətlidir".
Sabirə Dünyamalıyeva:
De ki: "Göylərin və yerin Rəbbi kimdir?" De ki: "Allahdır." De ki: "Allahın altındakılardan, özlərinə xeyir verməyə və zərər verməyə gücü çatmayanları köməkçi, yol göstərən, himayəçi yaxınlar olaraqmı qəbul edirsiniz?" De ki: "Heç korla görən eyni ola bilərmi? Yaxud da qaranlıqla işıq eyni ola bilərmi?" Yoxsa Allaha, Onun kimi yaradan şəriklər tapıblar və bu yaradılış onların nəzərində bir-birinə bənzər görünüb? De ki: "Allah, hər şeyi əmələ gətirəndir. O birdir, hər şeydən üstündür və qəhr edəndir."