Loğman Surəsi 20. Ayə - Bütün Tərcümələr
Allahın göylərdə və yerdə nə varsa, hamısını sizə ram etdiyini, açıq və gizli olan nemətlərini sizə bol-bol verdiyini görmədinizmi? İnsanlardan elələri var ki, elmi, doğru yol göstərən bir rəhbəri və aydınladan bir kitabı olmadan Allah barəsində mübahisə edər.
Əlixan Musayev:
Məgər Allahın göylərdə və yerdə olanları sizə ram etdiyini, Özünün aşkar və gizli nemətlərini sizə bol-bol verdiyini görmürsünüzmü? İnsanlar arasında eləsi də vardır ki, heç bir biliyi, doğru yolu göstərəni və nur saçan bir kitabı olmadan Allah barəsində mübahisə edir.
Bünyadov-Məmmədəliyev:
(Ey İnsanlar!) Məgər Allahın göylərdə və yerdə olanları (günəşi, ayı, ulduzları və buludları; meyvələri, bitkiləri, dənizləri, çayları və gölləri) sizə ram etdiyini (sizin istifadənizə verdiyini), aşkar (görmə, eşitmə, sağlamlıq) və gizli (əql, şüur, fəhm, elm və i. a.) nemətləri sizə bolluca ehsan etdiyini görmürsünüzmü? İnsanlar içərisində eləsi də vardır ki, nə bir elmi, nə bir doğru yol göstərən rəhbəri, nə də bir nurani (ilahi) kitabı olmadan Allah barəsində mübahisə edər.
Elmir Quliyev
:
Неужели вы не видите, что Аллах подчинил вам то, что на небесах, и то, что на земле, и одарил вас сполна Своими явными и незримыми благами? Но среди людей находится такой, который спорит об Аллахе, не имея ни знания, ни верного руководства, ни озаряющего Писания.
Ələddin Sultanov:
Allahın göylərdə və yerdə nə varsa, hamısını sizə ram etdiyini, açıq və gizli olan nemətlərini sizə bol-bol verdiyini görmədinizmi? İnsanlardan elələri var ki, elmi, doğru yol göstərən bir rəhbəri və aydınladan bir kitabı olmadan Allah barəsində mübahisə edər.
Kerbelayi Malik ağa:
Göylərdə və yerlərdəki hər şeyi Allahın sizin əmrinizə tabe etdiyini görmədinizmi? Sizin üzərinizdəki görünən və görünməyən (açıq və gizli) nemətlərini tamamladı. İnsanlardan bir qismi hələ də elmi, bir hidayətçisi və aydınladıcı bir kitabı olmadan Allah barəsində mübahisə edərlər.
Ələsgər Musayev:
Ə, görmürsünüzmü, Allah ram etdi sizin üçün nə ki,
səmalarda və nə ki, ərzdə var? Və yağdırdı sizin üzərinizə
zahirdə və batində olan nemətini. Insanlardan var elə kəslər ki,
mücadilə edirlər Allah barəsində elmsiz və hidayətsiz və nurlu
kitabsız.
A.Mehdiyev və D.Cəfərli:
Məgər Allahın göylərdə və yerdə olanları (onlardan öz mənfəətləriniz üçün istifadə edəsiniz deyə) sizin üçün ram etdiyini və Öz aşkar və gizlin (bədənlərinizin istifadə etdiyi görmə, eşitmə və s. beyinlərinizin bəhrələndiyi əql, şüur, fəhm və s.) nemətlərini sizə bol və geniş şəkildə bəxş etdiyini görmürsünüzmü?! İnsanlardan bəzisi heç bir elmi (və əqli dəlili) və (vəhy və ilham əsasında) düz yol göstərəni aşkar və aydınlıq gətirən (səmavi) kitabı olmadan (ona əsaslanmadan) Allah barəsində mücadilə və mübahisə edir.
Kövsər Tağıyev:
Allahın göylərdə və yerdə nə varsa hamısını sizin xidmətinizə verdiyini və açıq yaxud gizli olaraq sizə olan nemətini tamamladığını görmədinizmi? Yenə də insanlar arasında heç bir biliyi, yol göstərəni və aydınladan bir kitabı olmadan Allah barəsində mübahisə edənlər var.
M.Qənioğlu və T.Bilaloğlu:
Məgər siz Allahın göylərdə və yerdə olan hər şeyi ixtiyarınıza verdiyini, sizə açıq və gizli bol-bol nemətlər verdiyini görmürsünüz? İnsanlar arasında eləsi də vardır ki, heç bir biliyi, yol göstəricisi və yolu işıqlandıran kitabı olmadan Allah barəsində mübahisə edir.
Sabirə Dünyamalıyeva:
Allahın, göylərdə və yer üzündə nə varsa, hamısını sizə tabe etdirdiyini/sizin istifadə edəcəyiniz quruluş və sistemdə yaratdığını görmədinizmi? Və Allah, daxildə və açıqda olmaqla nemətlərini sizin üstünüzə yaymışdır. İnsanlardan eləsi də var ki, elmsiz, rəhbərsiz və özünə aydınlıq gətirən bir kitabı olmadan Allah haqqında mübahisə edir.