Bəqərə Surəsi 25. Ayə - Bütün Tərcümələr
İman gətirib saleh əməl işləyənləri altından çaylar axan cənnətlərlə müjdələ! Onlara hər dəfə oradan bir ruzi verildikdə: “Bu, daha əvvəl bizim (dünyada) yediyimiz ruzidir”, - deyəcəklər. Halbuki (dünyada) onlara bunun bənzəri verilmişdi. Orada onlar üçün tərtəmiz zövcələr də var. Onlar orada əbədi qalacaqlar.
Əlixan Musayev:
İman gətirib saleh əməllər edənlərə müjdə ver ki, onlardan ötrü (ağacları) altından çaylar axan Cənnət bağları vardır. Hər dəfə onun meyvələrindən onlara ruzi verildikcə: “Bu ki, əvvəlcə (dünyada) bizə verilən ruzidir!”– deyəcəklər. Halbuki onlara (dünyadakının )oxşarı veriləcəkdir. Onlardan ötrü orada pak zövcələr var və onlar orada əbədi qalacaqlar.
Bünyadov-Məmmədəliyev:
(Ya Peyğəmbər!) İman gətirən və yaxşı işlər görən kimsələrə müjdə ver: onlar üçün (ağacları) altından çaylar axan cənnətlər (bağlar) vardır. (O cənnətlərin) meyvələrindən bir ruzi yedikləri zaman: “Bu bizim əvvəlcə (dünya evində) yediyimiz ruzidir”, -deyəcəklər. Əslində isə bu (ruzi, meyvələr) onlara (dünyadakılara zahirən) bənzər olaraq verilmişdir. Onlardan ötrü orada (hər cəhətdən) pak (olan) zövcələr də var. Onlar (möminlər) orada əbədi qalacaqlar.
Elmir Quliyev
:
Обрадуй тех, которые уверовали и совершали праведные деяния, тем, что им уготованы Райские сады, в которых текут реки. Всякий раз, когда им будут подавать плоды для пропитания, они будут говорить: "Это уже было даровано нам прежде". Но им будут давать нечто похожее. У них там будут очищенные супруги, и они пребудут там вечно.
Ələddin Sultanov:
İman gətirib saleh əməl işləyənləri altından çaylar axan cənnətlərlə müjdələ! Onlara hər dəfə oradan bir ruzi verildikdə: “Bu, daha əvvəl bizim (dünyada) yediyimiz ruzidir”, - deyəcəklər. Halbuki (dünyada) onlara bunun bənzəri verilmişdi. Orada onlar üçün tərtəmiz zövcələr də var. Onlar orada əbədi qalacaqlar.
Kerbelayi Malik ağa:
Amənu olub, əməli salihat (nəfsi islahedici əməl) işləyənlər üçün altlarından çaylar axan cənnətlər olduğunu müjdələ. Oradakı meyvələrdən və məhsullardan ruzi olaraq verildiyində 'Bu bizə daha əvvəl də ruzi olaraq verilən (yediyimiz) şeydir.' dedilər. Ona (dünyadakı ruzilərinə) bənzər (ləzzət baxımından çox üstünü) verilmişdir. Onlar üçün orada təmiz zövcələr vardır. Onlar orada əbədi qalacaq olanlardır.
Ələsgər Musayev:
Bəşarət ver o kəslərə ki, inanırlar və əməli salehdirlər,
həqiqətən, onlar üçün cənnətlər var cari olur altından onun
nəhrlər Külli nə ki, ruzi verilir onun səmərəsindən deyirlər:
«Bu, odur ki, ruzi verilmişdi bizə qabaqcadan». Və onlara əta
edilib onun ancaq bənzəri və onlar üçün orada pak zövclər var
və onlar orada həmişəlikdirlər
A.Mehdiyev və D.Cəfərli:
İman gətirib yaxşı işlər görən şəxslərə müjdə ver ki, onlar üçün (evlərinin və ağaclarının) altından çaylar axan cənnətlər (və ya bağlar) vardır. Həmin bağlardan onlara ruzi olaraq bir meyvə verilən zaman deyərlər: «Bu, əvvəldən (dünyada) bizim ruzimiz olmuş şeydir.» Və onların yanına bütün meyvələr (gözəllik və lətafət baxımından) bir-birinə oxşar gətirilər. Orada onlar üçün (aybaşı, xəstəlik və pis xasiyyətdən) pak zövcələr vardır və onlar orada əbədi qalacaqlar.
Kövsər Tağıyev:
İman edib saleh işlər görənləri müjdələ ki, onlar üçün içindən çaylar axan cənnətlər var. Cənnətlərin meyvələrindən hər dəfə onlara ruzi veriləndə: “Bu, (eynilə) daha öncə (dünyada ikən) bizə verilən ruzidir!” – deyəcəklər. Halbuki bu ruzi onlara (dünyadakına) bənzər olaraq verilmişdir. Onlar üçün orada tərtəmiz zövcələr də var. Onlar orada əbədi qalacaqlar.
M.Qənioğlu və T.Bilaloğlu:
İman gətirənlərə və xeyirli işlər görənlərə belə bir müjdə ver ki, dibindən çaylar axan cənnət bağları onlar üçündür. Oradakı meyvələrdən ruziləndikcə onlar deyəcəklər: "Bu ki, əvvələr bizə verilmiş ruzilərdəndir." Ancaq onlara o vaxt (buna) bənzərləri verilmişdi. Onlar üçün orada pak zövcələr vardır və onlar orada əbədi qalasıdırlar.
Sabirə Dünyamalıyeva:
İnanmış və yaxşılaşdırmaq qayəsi ilə əməl işləyən kəslərə də, "Şübhəsiz ki, onlar üçün altından çaylar axan cənnətlər olduğu" müjdəsini ver. Onlar, hər dəfə oradakı hər hansı bir meyvədən ruzi olaraq yedikdə, "Bu, bizim daha əvvəl ruzi olaraq yediyimiz şeydir" deyərlər. Və onlara onun oxşarları verilmişdir. Orada çox təmiz zövcələr də yalnız onlara məxsusdur. Və onlar, orada əbədi qalacaqlar.