Mömin Surəsi 29. Ayə - Bütün Tərcümələr
Ey qövmüm! Bu gün hökmranlıq yer üzündə qalib olan sizlərin əlindədir. Ancaq Allahın əzabı gələrsə, bizə kim kömək edəcək?” Firon: “Mən sizə yalnız öz fikrimi bildirir və doğru yolu göstərirəm!” - dedi.
Əlixan Musayev:
Ey xalqım! Bu gün yer üzündə hakim şəxslər kimi hökmranlıq sizin əlinizdədir. Əgər Allahın əzabı bizə gəlsə, bizi ondan kim qoruya bilər?” Firon dedi: “Mən sizə ancaq öz düşündüyümü bildirirəm, mən sizə ancaq doğru yolu göstərirəm”.
Bünyadov-Məmmədəliyev:
Ey qövmüm! Bu gün hökm sizindir. Yer üzündə (Misir torpağında İsrail oğullarına) qalib olanlar da sizsiniz. Əgər bizə Allahın əzabı gəlsə, ona qarşı kim bizə kömək edə bilər?!” Firon dedi: “Mən sizə ancaq münasib gördüyüm rəyimi bildirirəm, mən sizə ancaq doğru yolu göstərirəm (Musanı öldürməkdən başqa ayrı çarə yoxdur)!”
Elmir Quliyev
:
О мой народ! Сегодня у вас есть власть, и вы господствуете на земле. Но кто поможет нам, если наказание Аллаха явится к нам?" Фараон сказал: "Я указываю вам только на то, что сам считаю нужным. Я веду вас только правильным путем".
Ələddin Sultanov:
Ey qövmüm! Bu gün hökmranlıq yer üzündə qalib olan sizlərin əlindədir. Ancaq Allahın əzabı gələrsə, bizə kim kömək edəcək?” Firon: “Mən sizə yalnız öz fikrimi bildirir və doğru yolu göstərirəm!” - dedi.
Kerbelayi Malik ağa:
(O adam dedi ki): ‘Ey qövmüm! Bu gün mülk sizindir, yer üzündə qüvvətlisiniz. Amma Allahın şiddətli əzabı bizə gəldiyi zaman sizə kim kömək edəcək?’ Firon (da) belə dedi: ‘Sizə göstərdiyim şey yalnız mənim rəyimdir. Mən sizi irşad yolundan başqasına hidayət etmərəm.’
Ələsgər Musayev:
Ay qoumum! Bu gün sizin üçün
mülk var, hansı ki, siz ərzdə zahiranə başçılıq edirsiniz. Kim
yardım edər bizə, əgər Allahdan bizə basqı gəlsə?» Dedi
Firaun: «Mən sizə ancaq nə özüm görürəm, onu göstərirəm.
Mən sizi ancaq rəşd yola hidayət edirəm».
A.Mehdiyev və D.Cəfərli:
Ey mənim qövmüm, bu gün mülkiyyət və hakimiyyət sizə məxsusdur və siz bu torpaqda qalib və üstünsünüz. Beləliklə əgər bizə bir əzab gəlsə, Allahın əzabından (qurtarmağa) bizə kim kömək edər?! Firon dedi: «Mən sizə öz rəyimdən (Musanın öldürülməsinin məsləhət olmasından) başqa bir nəzər bildirmirəm və sizi yalnız doğru yola yönəldirəm.»
Kövsər Tağıyev:
“Ey qövmüm! Bu gün yer üzünə hakim kimsələr olaraq iqtidar və səltənət sizindir. Ancaq Allahın əzabı başımıza gəldiyi zaman bizi (ondan) kim xilas edər?” Firon: “Mən sizə ancaq öz fikrimi bildirirəm və sizi ancaq doğru yola yönəldirəm”.
M.Qənioğlu və T.Bilaloğlu:
Ey camaatım! Bu gün yer üzündə bir qalib kimi siz hökmranlıq edirsiniz. Allahın gücü [əzabı] üzərimizə gələrsə, kim bizi ondan qoruya bilər?" Firon dedi: "Mən sizə yalnız öz gördüyümü göstərirəm və sizi ancaq doğru yola sövq edirəm."
Sabirə Dünyamalıyeva:
Ey qövmüm! Yer üzündə bu gün rəhbərlik sizindir. Yaxşı, əgər Allahın qəzəbi gəlsə, kim bizə kim kömək edib [bizi ondan] xilas edər?" dedi. Firon: "Mən sizə öz rəyimi bildiririəm və mən sizi yalnız yetkinliyin/ağlın yoluna yönləndirirəm " dedi.