Səcdə Surəsi 4. Ayə - Bütün Tərcümələr
Göyləri, yeri və onların arasındakıları altı gündə yaradan, sonra ərşə istiva edən (ərşi hökmranlığı altına alan) Allahdır. Ondan başqa heç bir dostunuz və şəfaətçiniz yoxdur. Yenə də düşünüb öyüd almırsınızmı?
Əlixan Musayev:
Göyləri, yeri və onların arasındakıları altı gündə yaradan, sonra da Ərşə ucalan Allahdır. Sizin Ondan başqa nə bir haminiz, nə də bir şəfaətçiniz vardır. Məgər düşünərək ibrət götürməyəcəksiniz?
Bünyadov-Məmmədəliyev:
Göyləri, yeri və onların arasındakıları altı gündə xəlq edən, sonra ərşi yaradıb hökmü altına alan (ərşdə bərqərar olan) Allahdır. Sizin Ondan başqa heç bir haminiz və şəfaət (əzabı dəf) edəniniz yoxdur. Məgər öyüd-nəsihət qəbul etməyəcəksiniz?
Elmir Quliyev
:
Аллах — Тот, Кто создал небеса и землю и то, что между ними, за шесть дней, а затем вознесся на Трон (или утвердился на Троне). Нет для вас, помимо Него, ни покровителя, ни заступника. Неужели вы не помяните назидание?
Ələddin Sultanov:
Göyləri, yeri və onların arasındakıları altı gündə yaradan, sonra ərşə istiva edən (ərşi hökmranlığı altına alan) Allahdır. Ondan başqa heç bir dostunuz və şəfaətçiniz yoxdur. Yenə də düşünüb öyüd almırsınızmı?
Kerbelayi Malik ağa:
O Allah ki, göyləri, yeri və ikisinin arasındakıları altı gündə yaratdı. Sonra ərşə istiva etdi. Sizin Ondan başqa dostunuz və şəfaətçiniz yoxdur. Hələ də təzəkkür etmirsinizmi?
Ələsgər Musayev:
Allah - Odur
ki, xəlq etdi səmaları və ərzi və onlar arasında olanları altı
gündə. Sonra ərş üzərində möhkəmləndi. Yoxdur sizin üçün
Onun əvəzinə dost və şəfa edəndən. Ə, yad etməzsinizmi?
A.Mehdiyev və D.Cəfərli:
Göyləri və yeri və onların arasındakıları altı gündə (altı gündüzdə, yaxud altı gecə və gündüzdə və ya altı dövrdə uzun bir müddətdə) yaradan, sonra isə (aləmin səltənət və tədbir) ərş(in)i hökmü altına alan Allahdır. Sizin Ondan başqa heç bir haminiz (qəyyumunuz) və şəfaətedəniniz (yaradılış işlərinin axınında bir vasitə) yoxdur. Məgər öyüd-nəsihət almırsınızmı?!
Kövsər Tağıyev:
Allah göyləri, yeri və ikisi arasındakıları altı gündə (altı mərhələdə) yaradan, sonra da Ərşə istiva edəndir. Sizin üçün Ondan başqa heç bir dost, heç bir şəfaətçi yoxdur. Hələ də düşünüb öyüd götürməyəcəksinizmi?
M.Qənioğlu və T.Bilaloğlu:
Göyləri, yeri və onların arasında olanları altı günə yaradan, sonra ərşdə qərar tutan Allahdır. Ondan başqa sizin nə bir havadarınız, nə də bir himayədarınız vardır. Heç bir düşünüb daşınmazsınızmı?
Sabirə Dünyamalıyeva:
Allah, göyləri, yeri və ikisinin arasındakıları altı mərhələdə meydana gətirən və ən böyük taxt üzərində hakimiyyət qurandır. Onun altındakılardan sizə bir köməkçi, yol göstərən, himayəçi yaxın və bir dəstəkçi, şəfaətçi yoxdur. Hələ də düşünüb ibrət almırsınız?