Təhrim Surəsi 4. Ayə - Bütün Tərcümələr
(Ey peyğəmbər zövcələri!) İkiniz də Allaha tövbə etsəniz, yaxşı olar. Çünki qəlbləriniz azmışdı. Əgər Peyğəmbərə qarşı bir-birinizə arxa olsanız, bilin ki, onun himayədarı Allah, Cəbrail və saleh möminlərdir. Bunlardan savayı mələklər də onun yardımçılarıdır.
Əlixan Musayev:
Əgər ikiniz də Allaha tövbə etsəniz, (yaxşı olar). Çünki hər ikinizin qəlbi (günaha) meyl etmişdir. Əgər ona qarşı bir-birinizə dəstək versəniz, (bilin ki,) Allah, Cəbrail və əməlisaleh möminlər onun dostu və yardımçısıdır. Bunlardan başqa mələklər də onun yardımçılarıdır.
Bünyadov-Məmmədəliyev:
(Ey Həfsə, ey Aişə!) Əgər ikiniz də (bu hərəkətinizə görə) Allaha tövbə etsəniz (çox yaxşı olar). Çünki (Peyğəmbərə əziyyət verməklə, ona xoş getməyən bir hərəkət etməklə) qəlbləriniz (onun barəsində bir qədər qeyri-səmimiliyə, günaha) meyl etdi. Əgər ona (Peyğəmbərə) qarşı bir-birinizə kömək etsəniz, (bilin ki, sizə qələbə çalmaqda) onun mövlası (dostu, hamisi) Allah, yardım göstərənləri isə Cəbrail, əməlisaleh möminlər və bundan sonra da (bütün) mələklərdir. (Yaxud onun dostu və yardımçıları Allah, Cəbrail, əməlisaleh möminlərdir. Bunlardan sonra da mələklər onun yardımçısıdır).
Elmir Quliyev
:
Если вы обе покаетесь перед Аллахом, то ведь ваши сердца уже уклонились в сторону. Если же вы станете поддерживать друг друга против него, то ведь ему покровительствует Аллах, а Джибрил (Гавриил) и праведные верующие являются его друзьями. А, кроме того, ангелы помогают ему.
Ələddin Sultanov:
(Ey peyğəmbər zövcələri!) İkiniz də Allaha tövbə etsəniz, yaxşı olar. Çünki qəlbləriniz azmışdı. Əgər Peyğəmbərə qarşı bir-birinizə arxa olsanız, bilin ki, onun himayədarı Allah, Cəbrail və saleh möminlərdir. Bunlardan savayı mələklər də onun yardımçılarıdır.
Kerbelayi Malik ağa:
Siz ikiniz də Allaha tövbə etməlisiniz. Çünki ikinizin də qəlbi günaha meyl etmişdi. Əgər Ona (Hz. Peyğəmbərə) qarşı bir-birinizə yardım etsəniz, o təqdirdə şübhəsiz ki, Allah Onun (Hz. Peyğəmbərin) Mövlasıdır, Cəbrayıl (ə.s) və möminlərdən saleh olanlar və bunlardan başqa mələklər də Onun yardımçılarıdır.
Ələsgər Musayev:
Siz indi ikiniz Allaha tərəf qayıdın.
Əlbəttə, sizin qəlbiniz xilaf rizasına meyl edib. Əgər siz aşkar
olaraq əleyhinə onun olsanız və həqiqətən, Allah Mövlasıdır
onun və Cəbrail və saleh inananlar və mələklər bundan sonra
arxadır.
A.Mehdiyev və D.Cəfərli:
Əgər siz ikiniz (sirri faş edən və onu eşidən) Allaha tövbə etsəniz (çox yaxşı olar. Ona görə) ki, qəlbləriniz (haqdan) dönmüşdür. Əgər ona (Peyğəmbərə) qarşı bir-birinizə kömək olsanız, belə isə (bilin ki,) şübhəsiz, Allah özü, Cəbrail və möminlərin əməli salehi onun köməkçiləridir və bunlardan sonra (ona) mələklər də arxadırlar.
Kövsər Tağıyev:
(Ey Peyğəmbərin zövcələri!) Əgər siz ikiniz Allaha tövbə etsəniz, nə yaxşı. Çünki qəlbləriniz əyildi. Əgər Peyğəmbərə qarşı bir-birinizə arxa çıxsanız, bilin ki, Allah onun yardımçısıdır, Cəbrail də, saleh möminlər də. Bunlardan sonra mələklər də ona arxa çıxarlar.
M.Qənioğlu və T.Bilaloğlu:
(Yaxşı olardı ki,) ikiniz də (ey peyğəmbər zövcələri) Allaha tövbə edəydiniz, axı ürəkləriniz (buna) meyl edirdi. Əgər peyğəmbərə qarşı ikiniz də bir-birinizə arxa olsanız (bilin ki), Allah onun himayəçisidir. Cəbrayıl da, əməlisaleh möminlər də. Bunlardan sonra mələklərdə onun yardımçılarıdır.
Sabirə Dünyamalıyeva:
Ey Peyğəmbərin iki zövcəsi, səhvlərinizdən [dönüb] Allaha yönəlsəniz sizin üçün yaxşı olar. -Çünki həqiqətən ikinizin qəlbi meyl etdi; imanınız pozuldu, azğınlığa düşdünüz.- Yox, əgər Peyğəmbərə qarşı həmrəy olsanız, heç şübhəsiz onun mövlası; yardımçısı, köməkçisi, himayəçisi, yol göstərəni Allah Özüdür. Cəbrail/Quran və iman edənlərin salehləri də. Və bunlardan sonra nazil olacaq ayələr də ona arxadır.