Mömin Surəsi 43. Ayə - Bütün Tərcümələr
Heç şübhəsiz, sizin məni dəvət etdikləriniz nə dünyada, nə də axirətdə çağırışa cavab verə bilər. Həqiqətən, dönüşümüz Allahadır. Həddi aşanlar isə cəhənnəm əhlidirlər.
Əlixan Musayev:
Heç şübhəsiz ki, sizin məni çağırdıqlarınızın nə dünyada, nə də axirətdə çağırılmağa haqqı yoxdur. Bizim dönüşümüz Allahadır. Həddi aşanlar isə od sakinləridirlər.
Bünyadov-Məmmədəliyev:
Şübhəsiz ki, sizin məni (sitayiş etməyə) çağırdıqlarınızın (dilsiz-ağılsız bütlərin) nə dünyada, nə də axirətdə (bir kəsi) çağırmaq qabiliyyəti (ibadət olunmağa haqqı) yoxdur. Bizim axır dönüşümüz isə Allahadır. (Rəbbinə şərik qoşmaqla, küfr etməklə) həddi aşanlar, sözsüz ki, cəhənnəmlikdirlər!
Elmir Quliyev
:
Нет сомнения в том, что то, к чему вы меня призываете, не заслуживает молитв ни в этом мире, ни в Последней жизни, и что нам предстоит вернуться к Аллаху, и что излишествующие окажутся обитателями Огня.
Ələddin Sultanov:
Heç şübhəsiz, sizin məni dəvət etdikləriniz nə dünyada, nə də axirətdə çağırışa cavab verə bilər. Həqiqətən, dönüşümüz Allahadır. Həddi aşanlar isə cəhənnəm əhlidirlər.
Kerbelayi Malik ağa:
Məni özünə dəvət etdiyiniz şeyin bir hökmü yoxdur. Onun (o bütün) dünyada və axirətdə bir dəvəti (səlahiyyəti) də yoxdur. Şübhəsiz ki, bizim dönüşümüz Allahadır. Şübhəsiz ki, həddi aşanlar atəş əhlidir.
Ələsgər Musayev:
Həqiqətən, nəyə ki, məni çağırırsınız, yoxdur onun
çağırışı nə bu dünyada və nə axirətdə. Həqiqətən, bizim
dönüşümüz Allaha tərəfdir və israf edənlər əshabıdırlar odun!
A.Mehdiyev və D.Cəfərli:
«Şübhəsiz, məni tərəfinə çağırdığınız şeyin dünya və axirətdə bir dəvəti yoxdur (o, nə çağırılmağa layiqdir və nə də bir kəsi öz kəlamı, yaxud peyğəmbər və kitab göndərməklə çağırıb). Bizim qayıdışımız Allaha tərəfdir və israfçılar (bəndəlik həddini aşanlar) od əhlidirlər.
Kövsər Tağıyev:
“Şübhəsiz, sizin məni tapınmağa çağırdığınız şeyin nə dünya, nə də axirət haqqında heç bir çağırışı yoxdur. Şübhəsiz, qayıdışımız Allahadır. Şübhəsiz, həddi aşanlar cəhənnəmliklərdir”.
M.Qənioğlu və T.Bilaloğlu:
Şübhəsiz ki, siz məni (sitayiş etməyə) çağırdığınız şeylərin özlərinin nə bu dünyada, nə də axirətdə (insanları) çağırmaq qabiliyyəti vardır. Dönüşünüz ancaq Allahadır. Həddini aşanlar cəhənnəmlikdirlər!
Sabirə Dünyamalıyeva:
Mən isə sizi o çox güclü və çox bağışlayan Allaha dəvət edirəm. Heç cür inkar etmək mümkün deyil ki, həqiqətən, sizin məni dəvət etdiyiniz şeyə doğru dünya və axirətdə heç bir çağırış yoxdur. Və şübhəsiz, dönüşümüz Allahadır. Və şübhəsiz ki, həddi aşanlar, cəhənnəm əhlinin özüdür.