Fussilət Surəsi 53. Ayə - Bütün Tərcümələr
Biz (varlığımızı və qüdrətimizi göstərən) dəlillərimizi onlara həm kainatda, həm də onların özlərində göstərəcəyik ki, onun (Quranın) haqq olduğu onlara aydın olsun. Rəbbinin hər şeyə şahid olması kifayət deyilmi?
Əlixan Musayev:
(Quranın) haqq olduğu onlara aydın olana qədər, Biz dəlillərimizi onlara həm kainatda, həm də onların özlərində mütləq göstərəcəyik. Məgər Rəbbinin hər şeyə şahid olması kifayət deyil?
Bünyadov-Məmmədəliyev:
Onun (Quranın) haqq olduğu onlara (müşriklərə) bəlli olsun deyə, Biz öz qüdrət nişanələrimizi onlara həm xarici aləmdə (üfüqlərdə, kainatda, göylərin və yerin ətrafında), həm də onların öz daxilində mütləq göstərəcəyik. (Ya Peyğəmbər!) Məgər Rəbbinin hər şeyə şahid olması (sənin dediklərinin doğruluğuna) kifayət deyilmi?!
Elmir Quliyev
:
Мы покажем им Наши знамения по свету и в них самих, пока им не станет ясно, что это есть истина. Неужели не достаточно того, что твой Господь является Свидетелем всякой вещи?
Ələddin Sultanov:
Biz (varlığımızı və qüdrətimizi göstərən) dəlillərimizi onlara həm kainatda, həm də onların özlərində göstərəcəyik ki, onun (Quranın) haqq olduğu onlara aydın olsun. Rəbbinin hər şeyə şahid olması kifayət deyilmi?
Kerbelayi Malik ağa:
Ayələrimizi afaqda (ruhumuzun baş gözüylə) və ənfüsdə (nəfsimizin qəlb gözüylə) onlara göstərəcəyik. Onun haqq olduğu onlara aydın olsun deyə. Rəbbinin hər şeyə şahid olması kifayət deyilmi?
Ələsgər Musayev:
Biz
göstərərik onlara ayətlərimizi üfüqdə və onların öz nəfslərində,
ta bəyan ola onlar üçün, həqiqətən, o haqdır. Ə, kafi deyilmi
Rəbbin üçün, həqiqətən, O üzərində külli şeyin Şahiddir?
A.Mehdiyev və D.Cəfərli:
Tezliklə varlıq aləmində (Məkkənin və yer üzünün digər üfüqlərində) və onların öz vücudlarında Özümüzün (tovhid və qüdrət) nişanələrimizi (müsəlmanların həmin əsrdəki zəfərlərini, İslamın gələcəkdə dünyada yayılmasını və insanların Allahın onların vücudlarında olan hikmətlərini başa düşmələrini) onlara (Məkkə müşriklərinə və tarix boyu olacaq bütün insanlara) göstərəcəyik ki, Onun (Allahın və Qur’anın) haqq olması onlara aydın olsun. Məgər Rəbbinin hər şeyə şahid olması (və Onun bütün varlıqlara məlum və aşkar olması) kifayət deyil?!
Kövsər Tağıyev:
Varlığımızın dəlillərini həm (kainatdakı ucsuz-bucaqsız) üfüqlərdə, həm də öz nəfslərində onlara göstərəcəyik ki, o Qur`anın haqq olduğu onlara tam aydın olsun. Rəbbinin hər şeyə şahid olduğu yetməzmi?
M.Qənioğlu və T.Bilaloğlu:
Bunun [Quranın] haqq olduğu onlara aydın olmayınca Biz dəlillərimizi onlara həm dünyada [xarici aləmdə], həm də öz içərilərində [daxili aləmlərində] göstərəcəyik. Sənin Rəbbinin hər şeyə şahid olması kifayət deyilmi?
Sabirə Dünyamalıyeva:
Onun haqq olduğu meydana çıxana qədər, həm xarici aləmdə, həm öz bədənlərində işarətlərimizi/nişanələrimizi onlara göstərəcəyik. Rəbbinin şübhəsiz hər şeyə şahid olması kifayət deyilmi?