Nisa Surəsi 69. Ayə - Bütün Tərcümələr
Kim Allaha və Peyğəmbərə itaət edərsə, onlar Allahın nemət bəxş etdiyi peyğəmbərlər, siddiqlər, şəhidlər və əməlisalehlərlə birlikdə olacaqlar. Onlar nə gözəl yoldaşlardır!
Əlixan Musayev:
Allaha və (Onun) Elçisinə itaət edənlər Allahın onlara nemət olaraq bəxş etdiyi peyğəmbərlərlə, sidq ürəkdən inananlarla, şəhidlərlə və əməlisalehlərlə birlikdə olacaqlar. Onlar necə də gözəl dostlardır.
Bünyadov-Məmmədəliyev:
Allaha və Peyğəmbərə itaət edənlər (axirətdə) Allahın nemətlər verdiyi nəbilər (peyğəmbərlər), siddiqlər (tamamilə doğru danışanlar, etiqadı dürüst, peyğəmbərləri hamıdan əvvəl təsdiq edən şəxslər), şəhidlər və salehlərlə (yaxşı əməl sahibləriylə) bir yerdə olacaqlar. Onlar necə də gözəl yoldaşlardır!
Elmir Quliyev
:
Те, которые повинуются Аллаху и Посланнику, окажутся вместе с пророками, правдивыми мужами, павшими мучениками и праведниками, которых облагодетельствовал Аллах. Как же прекрасны эти спутники!
Ələddin Sultanov:
Kim Allaha və Peyğəmbərə itaət edərsə, onlar Allahın nemət bəxş etdiyi peyğəmbərlər, siddiqlər, şəhidlər və əməlisalehlərlə birlikdə olacaqlar. Onlar nə gözəl yoldaşlardır!
Kerbelayi Malik ağa:
Kim Allaha və Rəsula itaət etsə, o təqdirdə onlar Allahın nemət verdiyi nəbilərlə (peyğəmbərlərlə) və siddiqlərlə və şəhidlərlə və salehlərlə bərabərdirlər. Onlar nə gözəl dostdur.
Ələsgər Musayev:
Kim itaət edir Allaha və
rəsula və həmin onlardır - o kəslərlə ki, nemət verdi Allah
üzərinə onların – nəbilərdən və sadiqlərdən və şahidlərdən və
salehlərdən. Həmin onlardır yaxşı rəfiq!
A.Mehdiyev və D.Cəfərli:
Allaha və Onun Peyğəmbərinə itaət edənlər (dünya və axirətdə) Allahın nemət verdiyi kəslərlə – peyğəmbərlər, doğruçular, şəhidlər, əməllərə şahid olanlar və saleh insanlarla – birlikdədirlər. Onlar gözəl dostlardır.
Kövsər Tağıyev:
Kim Allaha və Peyğəmbərə itaət edərsə, onlar Allahın nemət verdiyi peyğəmbərlərlə, siddiqlərlə, şəhidlərlə və salehlərlə birlikdədirlər. Bunlar nə gözəl yoldaşlardır!
M.Qənioğlu və T.Bilaloğlu:
Allaha və peyğəmbərə itaət edənlər - bunlar (axirətdə) Allahın nemət bəxş etdiyi peyğəmbərlərlə, sidqi ürəkdən inananlarla, şəhidlərlə və əməlisalehlərlə bir yerdə olacaqlar. Bir yoldaş olaraq onlar necə də yaxşıdırlar!
Sabirə Dünyamalıyeva:
Kim də Allaha və Elçiyə itaət edərsə, onlar, Allahın nemətlər verdiyi peyğəmbərlər, doğru kəslər, şəhidlər və salehlərlə birlikdə olacaqlar. Və onlar necə gözəl yoldaşlardır!