Maidə Surəsi 70. Ayə - Bütün Tərcümələr
Həqiqətən, Biz İsrail oğullarından əhd almış və onlara peyğəmbərlər göndərmişdik. Hər dəfə bir peyğəmbər onlara, nəfslərinin arzulamadığı bir şeyi (ilahi hökmləri) gətirəndə, onlar (peyğəmbərlərin) bir qismini yalanladılar, bir qismini də öldürdülər.
Əlixan Musayev:
Biz İsrail oğullarından əhd-peyman aldıq və onlara elçilər göndərdik. Hər dəfə bir elçi onlara könüllərinə yatmayan bir şey gətirəndə o (elçilərin) bir qismini yalançı hesab edər, bir qismini də öldürərdilər.
Bünyadov-Məmmədəliyev:
Biz İsrail oğullarından əhd almış, onlara peyğəmbərlər göndərmişdik. Hər dəfə bir peyğəmbər onlara ürəklərinə yatmayan bir hökm gətirdikdə (həmin peyğəmbərlərin) bir qismini yalançı hesab edər, bir qismini də öldürərdilər.
Elmir Quliyev
:
Мы уже заключили завет с сынами Исраила (Израиля) и отправили к ним посланников. Каждый раз, когда посланники приносили им то, что им было не по душе, они нарекали лжецами одних и убивали других.
Ələddin Sultanov:
Həqiqətən, Biz İsrail oğullarından əhd almış və onlara peyğəmbərlər göndərmişdik. Hər dəfə bir peyğəmbər onlara, nəfslərinin arzulamadığı bir şeyi (ilahi hökmləri) gətirəndə, onlar (peyğəmbərlərin) bir qismini yalanladılar, bir qismini də öldürdülər.
Kerbelayi Malik ağa:
And olsun ki, Biz İsrail oğullarından misaq aldıq və onlara rəsullar göndərdik. Onlara hər dəfə rəsul gəldiyində, nəfslərinin həvalarına uymaları səbəbiylə bir qismini yalanladılar və bir qismini də öldürdülər.
Ələsgər Musayev:
Biz Israil oğullarından and aldıq və göndərdik
onlara rəsulları. Külli nə ki, gəldi onlara rəsul nə ilə ki yoxdur
havayı nəfslərində, firqəsini yalan saydılar və firqəsini qətl
etdilər
A.Mehdiyev və D.Cəfərli:
Həqiqətən, Biz İsrail övladlarından (tovhid və peyğəmbərlərə iman barəsində) əhd-peyman aldıq və onlara peyğəmbərlər göndərdik. Nə vaxt (hansısa) bir peyğəmbər onlara ürəkləri istəməyən bir şey gətirirdisə, (həmin peyğəmbərlərin) bir qismini təkzib edir, bir qismini öldürürdülər.
Kövsər Tağıyev:
And olsun, İsrail oğullarından möhkəm söz almış və onlara peyğəmbərlər göndərmişdik. Lakin nə zaman ki, peyğəmbər onlara nəfslərinə xoş gəlməyən bir hökm gətirdi, onlardan bir qismini təkzib etdilər, bir qismini də öldürdülər.
M.Qənioğlu və T.Bilaloğlu:
Biz İsrail övladlarından əhd götürdük və onlara peyğəmbərlər göndərdik. Hər dəfə bir peyğəmbər onların ürəyinə yatmayan bir şeylə yanlarına gələndə, onların bəzisini yalançı hesab edib, bəzisini öldürüblər.
Sabirə Dünyamalıyeva:
And olsun ki, Biz, İsrail oğullarının əhdini aldıq və onlara elçilər göndərdik; nə zaman ki, elçi onlara, nəfslərinin xoşlamadığı bir şeyi gətirdi, bir qismini təkzib etdilər, bir qismini də öldürürlər.