Mücadilə Surəsi 9. Ayə - Bütün Tərcümələr
Ey iman gətirənlər, bir-birinizlə gizli danışdığınız zaman günah, düşmənçilik və Peyğəmbərə qarşı çıxmaq barəsində danışmayın, yaxşılıq və təqva barəsində danışın! Hüzuruna toplanacağınız Allahdan qorxun!
Əlixan Musayev:
Ey iman gətirənlər! Gizli danışdığınız zaman günah, düşmənçilik və Peyğəmbərə qarşı çıxmaq barədə danışmayın. Yaxşı işlər və Allahdan qorxmaq barədə danışın, hüzuruna toplanılacağınız Allahdan qorxun!
Bünyadov-Məmmədəliyev:
Ey iman gətirənlər! Bir-birinizlə xəlvət danışdığınız zaman günah, düşmənçilik və Peyğəmbərin əleyhinə çıxmaq barədə danışmayın; yaxşı işlər, Allahdan qorxmaq barədə danışın və (qiyamət günü) hüzuruna toplanacağınız Allahdan qorxun!
Elmir Quliyev
:
О те, которые уверовали! Если уж вы тайно переговариваетесь, то не говорите о грехах, вражде и неповиновении Посланнику, а говорите о благочестии и богобоязненности и бойтесь Аллаха, к Которому вы будете собраны.
Ələddin Sultanov:
Ey iman gətirənlər, bir-birinizlə gizli danışdığınız zaman günah, düşmənçilik və Peyğəmbərə qarşı çıxmaq barəsində danışmayın, yaxşılıq və təqva barəsində danışın! Hüzuruna toplanacağınız Allahdan qorxun!
Kerbelayi Malik ağa:
Ey amənu olanlar! Aranızda gizlincə danışdığınız zaman artıq günah, düşmənlik və rəsula üsyan haqqında gizli-gizli danışmayın. Birr və təqva barəsində aranızda danışın (söhbət edin). Həşr olunacağınız Allaha qarşı təqva sahibi olun.
Ələsgər Musayev:
Ay o kəslər ki, inanırsınız! Onda ki, məxvi
danışırsınız, o işlərin barəsində ki, günahdır və düşmənçilikdir
və rəsula asi olmaqdır, söz danışmayın. Danışın yaxşılıq ilə və
təqva. Qorxun Allahdan – Odur ki, Ona tərəf toplanacaqsınız.
A.Mehdiyev və D.Cəfərli:
Ey iman gətirənlər, bir-birinizlə pıçıldaşdığınız, gizli söhbət etdiyiniz zaman (heç olmasa) günah, (hüquqlara) təcavüz və Bizim Rəsulumuza itaətsizlik barədə pıçıldaşmayın. Yaxşılıq və təqva(ya tövsiyə etmək üçün) pıçıldaşın. (Qiyamət günü) hüzuruna toplanacağınız Allahdan qorxun.
Kövsər Tağıyev:
Ey iman edənlər! Siz baş-başa gizlicə danışdığınız zaman günah, düşmənçilik və Peyğəmbərə üsyandan danışmayın. Yaxşılıq və təqvadan danışın və hüzuruna toplanacağınız Allaha qarşı gəlməkdən çəkinin.
M.Qənioğlu və T.Bilaloğlu:
Ey iman gətirənlər, əgər aranızda xəlvət söhbət edirsinizsə, günah işlər, ədavət və peyğəmbərə itaət etməmək barəsində söhbət etməyin. Xeyir əməl, Allahdan qorxmaq barəsində söhbət apann və hüzuruna cəm olunacağınız Allahdan qorxun!
Sabirə Dünyamalıyeva:
Ey iman etmiş kəslər! Pıçıldaşdığınız [xəlvət danışdığınız] zaman günah, düşmənçilik və Elçiyə itaətsizlik barədə danışmayın. Yaxşı adam olmaq və Allahın mühafizəsi altına daxil olmaq barədə pıçıldaşın [danışın]. Hüzuruna toplanacağınız Allahın mühafizəsi altına daxil olun.