Nisa Surəsi 123. Ayə - Bütün Tərcümələr
Nə sizin xülyalarınız, nə də kitab əhlinin xülyaları (həqiqət) deyildir. Kim pis bir iş görərsə, ona görə cəzalandırılar və Allahdan başqa özünə nə bir dost, nə də bir köməkçi tapa bilər.
Əlixan Musayev:
(Bu nemətə nail olmaq) nə sizin arzunuzla, nə də Kitab əhlinin arzusu ilədir. Pislik edən kəs, onun cəzasını alacaq və o, Allahdan başqa özünə nə bir himayədar, nə də bir yardımçı tapmayacaqdır.
Bünyadov-Məmmədəliyev:
Bu, (Cənnətə daxil olmaq) nə sizin, nə də kitab əhlinin arzusu ilə deyildir. Pislik edən şəxs, onun cəzasını görəcək və o, Allahdan başqa özünə nə bir dost, nə də bir imdada yetən tapacaqdır!
Elmir Quliyev
:
Этого не достичь посредством ваших мечтаний или мечтаний людей Писания. Кто творит зло, тот получит за него воздаяние и не найдет для себя вместо Аллаха ни покровителя, ни помощника.
Ələddin Sultanov:
Nə sizin xülyalarınız, nə də kitab əhlinin xülyaları (həqiqət) deyildir. Kim pis bir iş görərsə, ona görə cəzalandırılar və Allahdan başqa özünə nə bir dost, nə də bir köməkçi tapa bilər.
Kerbelayi Malik ağa:
Sizin əmaniyyənizlə və kitab əhlinin əmaniyyəsi ilə deyil, kim pislik edərsə, (sadəcə) onunla cəzalandırılar. Özü üçün Allahdan başqa bir vəli (dost) və bir yardımçı tapa bilməz.
Ələsgər Musayev:
Bu sizin və kitab əhlinin
niyyəti ilə deyil. Kim pis əməl etsə, onun cəzasını görər və
Allahdan onun üçün dost və yardımçı tapılmaz.
A.Mehdiyev və D.Cəfərli:
(Axirətdə mükafat və cəzanın verilməsi) nə (sonuncu peyğəmbərin ümməti olduğunuza görə) sizin arzunuzladır və nə də (ki, özlərini Allahın dostu və övladları hesab edən) kitab əhlinin arzusuyla. Kim pis bir iş görsə, cəzalandırılacaqdır və özü üçün Allahdan başqa bir dost və kömək edən tapmayacaqdır.
Kövsər Tağıyev:
İş nə sizin xülyanıza, nə də kitab əhlinin xülyasına görədir. Kim pis bir iş görərsə, onunla cəzalandırılar. O, özünə Allahdan başqa nə bir dost, nə də bir yardımçı tapa bilər.
M.Qənioğlu və T.Bilaloğlu:
Bu, nə sizin, nə də Kitab əhlinin arzusu ilədir. Pis iş tutan onun cəzasını alacaq və o, özünə Allahdan başqa nə bir himayəçi, nə də bir köməkçi tapar.
Sabirə Dünyamalıyeva:
Bu iş, sizin xülyalarınızla və Kitab əhlinin xülyalarıyla olmaz. Kim pislik etsə, onun cəzasını görəcək. Və o, özü üçün Allahın altındakılardan bir yol göstərən, himayəçi yaxın və yaxşı bir köməkçi tapa bilməz.